Por medio di es comunicado aki DTI kier duna informacion na e pueblo di Aruba encuanto e procedura pa keur vehiculonan di motor.
DTI ta haci su keuring a base di e rekisitonan cu tin den “Landsbesluit Voorschriften Voertuigen” (AB 1999 no. 61.)
Pa locual ta trata e parti di seguridad, ta importante y esencial pa e vehiculo ta cumpli cu e rekisitonan.
E ta hopi importante pa keur bo vehiculo di motor, pa motibo cu esaki ta un chekeo pa cu e condicion di e vehiculo y ta hisa e seguridad di e usuario cu por ta bo mes, di bo famia,bo trahador of un turista cu ta di bishita na Aruba.
DTI ta sugeri pa keur e vehiculonan pa evita desgracianan innecesario, evita boetnan of gastonan halto.
Procedura pa traha cita (Afspraak)
Orario pa traha cita ta di 7:45 pa 11:30 y di 13:00 pa 15:30.
Keuring di vehiculo ta di dialuna pa diabierna di 7:30 pa 12:00 y di 13:00 pa 16:00.
Pa traha un cita mester presenta personalmente na DTI su kantoor situa na Barcadera 153, conhunto cu e documentonan necesario y ta haci e pago di biaha.
Mester trece e siguiente documentonan y informacion pa traha cita:
Registratie formulier DIMP (esaki no ta e comprobante di pago); y seguro valido,
Si ta trata di un vehiculo cu ta ser usa pa transporte publico mester presenta cu e vergunning valido of un carta di DTP cu esaki ta den proceso.
Keuring di e vehiculo
Riba dia di cita di keuring tin cu presenta na balie paden di keuringshal cu e siguiente documentonan:
Comprobante di e cita;
Keuringsbewijs bieu (si e vehiculo a yega di keur caba);
Registratie formulier di DIMP ;
Comprobante di seguro valido.
Si e vehiculo wordo goedgekeurd e ta ricibi un sticker di cual ta wordo geplak ariba e windshield y ta ricibi e keuringsbewijs.
Si acaso ariba e dia di keuring e vehiculo wordo afgekeurd y e ta algo reparabel e oportunidad ta wordo duna pa dentro di 30 dia regla esaki y bin back DTI (esaki nos ta yama un herkeuring).
Ki ora bo mester keur bo auto?
Si bo a cumpra un vehiculo nobo di fabrica pa uso personal bo tin cu añadi 3 aña ariba e bouwjaar y es aña ey bo persona lo tin cu keur bo vehiculo pa prome biaha.
Por ehempel den e aña 2025 e vehiculonan pa uzo personal cu bouwjaar 2022 lo mester bin keur pa prome biaha.
Despues di e prome biaha e vehiculo pa uso personal mester wordo gekeurd cada 2 aña.
Pa transporte publico (personenvervoer) ta conta otro duracion:
Vehiculonan cu uso como autobus, bus, taxi, tour-operators (T-O) etc., tin cu keur cada aña y e vehiculonan nobonan prome cu nan subi caminda nan lo mester keur esakinan. Den caso cu si nan a haci cambionan na e vehiculo of tabata den un accidente lo tin cu bin pa keur esakinan un bes mas prome cu haci uzo di nan ariba caretera. Pa vehiculonan di compania (bedrijfsauto’s), trucks, pickup tin cu keur cada 1 aña.
Pa mas informacion por tuma contacto telefonicamente na Tel: 584-5300.
Pa locual ta trata e dianan di fiesta DTI lo ta sera desde e fecha di 20 december 2024 y lo habri bek pa publico ariba dialuna 06 januari 2025 esaki en conexion cu mantencion na nos edificio.
Ariba 06 januari 2025 lo duna e oportunidad pa keur na e vehiculonan cu lo participa den parada di fakkel.
DTI ta desea e pueblo di Aruba un Bon Pasco y un feliz aña 2024.
