(AP) – 50 aña despues, un homber cu a crece den parti di Detroit a purba debolbe un buki di Baseball na e libreria. E contesta cu el a topa ta; bo por keda cune, y sin enfrenta boet.
Chuck Hildebrandt, di 63 aña, di Chicago a bisa cu el a bishita e biblioteca publico na Warren mientras e tabata na e pueblo pa celebra Thanksgiving, cargando un buki titula Baseball’s Zaniest Stars.” El a fia e buki den 1974 tempo e tabatin 13 aña pero nunca a debolbe esaki.
“Ora bo ta mudando cu varios buki, bo no ta examina cada un. Bo ta tira tur den un caha y bo ta sigui,” Hildebrandt a conta, ken a biba den varios ciudad. “Sinembargo 5 of 6 aña atras, mi tabata buscando door di e cashi y mi a mira cu tin un indicador di buki pa mucha riba un di nan.”
Den e buki tabatin un pida papel cu a indica e tabata mester a keda regresa na Warren Library dia 4 di december 1974. Hildebrandt a conta The Associated Press cu el a dicidi di keda cu e buki te cu 2024, e di 50 aniversario, y despues debolbe esaki. El a pensa cu e biblioteca porta lo kier publica e intercambio.
El a bisa cu recientemente el a topa cu e director di e biblioteca Oksana Urban, ken a tende su idea. Hildebrandt a bisa cu e no a tende nada for di e tempo aki, aunke Urban a bisa Detroit Free Press cu tur cos ta pordona.
“Algun hende nunca mas ta regresa pa enfrenta e situacion,” el a bisa di esnan cu no a debolbe buki te ainda. “Pero en realidad no tabatin consecuencia ni situacion pa enfrenta pa motibo cu su persona y e buki a ser kita for di nos sistema.”
Como compensacion, Hildebrandt ta purbando di recauda 4,564 dollar pa Reading is Fundamental, un grupo literario. E cantidad ta relativamente representa un boet cu lo por tin despues di 50 aña di atraso pa regresa un buki.
