Bloc regional di Africa West, ECOWAS, a aproba diadomingo pa establece un tribunal special pa haci huicio riba crimennan cometi na Gambia durante su dictadura militar.
E decision historico a ser anuncia durante e cumbre di lidernan di estado regional den e capital di Nigeria, Abuja.
E tribunal lo cubri crimennan cu supuestamente a ser cometi bou di dictador militar Yahya Jammeh, di ken su gobernacion di 1996 te 2017 a ser marca pa detencionnan arbitrario, abuso sexual, y asesinatonan extrahudicial. Jammeh a perde un eleccion presidencial na 2016 y a bay den exilio na Guinea Ecuatorial un aña despues di a nenga un aña prome pa entrega poder.
E yamado pa husticia pa e victimanan di e dictadura a crece durante hopi aña den Gambia, un pais rondona pa Senegal, cu e excepcion pa un costa Atlantico chikito. Na 2021, un comision di hecho den e pais a finalisa su audiencianan cu recomendacionnan fuerte, pidiendo e gobierno pa procesa perpetradornan.
Na mei, e ex-minister di Asuntonan Interno di Jammeh a ser condena pa 20 aña den prison pa su crimen contra humanidad pa un tribunal Suiso. Den november, un tribunal Aleman a condena un homber Gambiano, Bai Lowe, pa asesinato y crimen contra humanidad relaciona cu su participacion den e asesinatonan di criticonan di e gobierno na Gambia. E homber tabata un chauffeur pa un unidad militar desplega contra oposicionnan di Jammeh.
Ministerio di Husticia di Gambia a describi e movecion como un “desaroyo historico” cu “ta marca un paso significativo pa Gambia, e region, y comunidad internacional” den un declaracion.
