Entrante 1 di october 2024, Banco Central di Aruba (BCA) a baha e tasa di reserva obligatorio di 18,5 porciento na 17,5 porciento. E decision monetario aki ta reduci e balansa minimo cu banconan comercial Arubano mester tene na BCA.
1. Subida den crecemento di credito y reservanan cu ta adecua
E crecemento di credito den lunanan recien a subi compara cu e cuminsamento di 2024. Specificamente, e crecemento mensual promedio tawata Afl. 40,6 miyon den e ultimo tres lunanan (mei, juni, y juli) compara cu un promedio di Afl 25,3 miyon den e prome cuater lunanan di 2024.
Ademas, ora exclui credito grandi y incidental, e expansion den credito ta mas modera, cu un crecemento mensual promedio di Afl. 5,2 miyon den e ultimo tres lunanan compara cu un promedio di Afl. 18,3 miyon den e prome cuater lunanan di 2024.
Data di 23 di augustus 2024, ta mustra cu reservanan a surpasa e metriconan cu BCA ta monitor ampliamente, cu ta e pagonan riba cuenta coriente (7,0 luna compara cu e norma di 3,0 luna), y e metrico di reserva adecua di Fondo Monetario Internacional (IMF) (126,4 porciento compara cu e norma minimo di 100.0 porciento).
BCA ta anticipa cu reservanan oficial y internacional lo permanece adecua durante 2024.
2. Ta proyecta cu e inflacion, midi na final di luna contra e mesun luna di e aña anterior, lo frena
Na juli 2024, e tasa di inflacion, midi na final di luna contra e mesun luna di e aña anterior, a sigui subi. E tasa di inflacion a subi te na 2,8 porciento, compara cu 2,4 porciento den e luna anterior.
E contribucion principal na e inflacion aki den e lunanan recien ta e ausencia di e impacto di e reduccion di tarifanan di coriente na mei 2023 y e efecto disminui di e prijsnan di auto mas abao den 2023.
Sinembargo, inflacion, midi na final di luna contra e mesun luna di e aña anterior, ta proyecta di mengua pa fin di december 2024. BCA lo sigui monitor e indicadornan monetario y economico y si ta necesario lo ahusta su posicion di maneho monetario pa mantene e balor di e florin.
Pa mas informacion, por manda un email na: communications@cbaruba.org
