(NLTimes) – E concurso Miss Nederland a caba oficialmente despues di 35 aña, su doño Monica van Ee a anuncia diahuebs. E competencia lo keda reemplasa pa un plataforma online nobo, Niet meer van deze tijd, cu e meta di sostene y empodera muhenan hoben.
Van Ee a describi cu e concurso ta laga “un legado unico” pero a bisa cu tempo a yega pa un cambio. “E corona no ta reson mas cu e mundo di awe,” el acomenta. “Loke ta importa awo ta crea un espacio unda hende muhe por lanta otro y crece.”
Amber Rustenberg, corona den Juni, tabata e ultimo Miss Nederland. E lo dedica e resto di su tempo den e posicion aki den promove su plataforma nobo. E plataforma nobo, Nietmeervandezetijd.com, ta diseña pa libera for di e ideanan convencional, “Nos ta ofreciendo algo fresco y emocionante cu hendenan no a mira prome,” Van Ee a bisa.
E sitio aki lo cubri topiconan manera expresion propio, diveridad, salud mental y salud fisico, creatividad y cambio den sociedad. “Nos lo trece expertonan y experiencianan personal pa atende e problemanan grandi di awe,” el a agrega.
E plataforma tambe ta busca duna muhenan hoben un bos y un outlet pa colaboracion. “Rednan social y hobennan hopi biaha ta mira di manera negativo,” Van Ee a bisa. “Nos kier cambia pa fit e narativa aki y crea algo positivo.”
E decision di reemplasa e concurso ta bini parcialmente for di incidentenan negativo den añanan recien, incluyendo critica online y menasanan. Den 2023, Rikke Kolle, e prome muhe transgenero den gana e titulo, a ricibi menasanandi morto despues di su victoria.
E concurso di Miss Nederland a cuminsa den 1989, evolucionando for di e concurso di Miss Holland den aña 1930.
