Den un comunicado, e cuerpo policial di Aruba a informa cu ayera diadomingo madruga pa 02:20 e central di polis a ricibi notificacion di un accidente riba e caminda di Bloemond. Aki a trata di un auto cu a alcansa un peaton.
Na yegada di e patruya di polis a bin topa cu un hende muhe riba caminda cu no ta reacciona. Inmediatamente a pidi ambulance cu maximo urgencia. Na momento cu e ambulance a yega e sitio di e accident, e paramediconan a duna asistencia medico na e victima sinembargo lamentablemente no por a haci nada mas p’e.
Dr Voskuil a constata di Jenifer Jeanely Vrolijk naci 28-04-1999 ( 25 aña di edad) na Aruba.
Na e sitio di e accident a detene e chauffeur di e vehiculo, cual tabata un Suzuki Vitara, pa motibo cu e chauffeur en cuestion tabata bao influencia di alcohol.
E specialista di trafico tambe a presenta na e sitio conhuntamente cu departamento forensico y Slachtofferhulp. E caso aki ta bao investigacion.
Cuerpo Policial di Aruba y Bon Dia Aruba ta manda palabra di forsa na e famia di e fayecido.
