Despues di eleccion di diabierna ultimo, na unda partido CURPA a saca un total di 423 voto, lider di e partido Sr. Eric Ras, a anuncia cu el a tuma e decision pa retira como lider di e partido y for di politica.
Despues di un trayectorio basta largo den politica, durante cual su enfoke tabata pa defende e norma y balornan Cristian, Sr. Eric Ras a indica a traves di un nota na prensa cu e ta retira oficialmente.
“Nos di partido CURPA kier a gradici tur cu a kere den partido CURPA y a deposita nan confiansa den partido CURPA. Masha danki di Curason. E resultado ta papia pa su mes. Mi persona a tuma e decision di retira como lider di partido CURPA y for di politica. Danki pa e confiansa,” Ras a expresa den su nota.
