Relaciona cu e caso di hit & run fatal recientemente, famia a identifica e defunto cu ta un hende homber yama Ramon Rudolfo Croes, naci na Aruba ariba 28 juni 1958 di 66 aña di edad.
Lamentablemente el a bira e di 11 morto den un trafico fatal y door di un chauffeur cu a hit and run.
Cuerpo di Polis ta haci un apelacion na e chauffeur di hit and run pa presenta na un di e wardanan di polis.
E investigacion ta den pleno desaroyo bao guia di specialistanan di trafico. Den caso cu a mira algo of sa algo por tuma contacto cu Polis di Trafico na number: 597-5194 of 597-5191.
Bo a mira kico a pasa, bo por keda anonimo y duna bo informacion ariba tipline di polis, 11141. Cuerpo Policial ta garantisa bo ta keda anonimo. Cuerpo Policial y Bon Dia Aruba ta manda un palabra di condolencia y forsa na e famia di e fayecido den e momento dificil aki.
