(AP) – U.S Commerce Department a expande su lista di companianan di tecnologia Chines suheta ta controlnan di exportacion pa inclui varios cu ta haci ekipo usa pa crea chip di computer, hermentnan pa crea chip of software.
E 140 compania nobo inclui den e asina yama “entry list” ta casi tur basa na China. Sinembargo algun ta negoshinan cu ta pertenece na Chines basa na Hapon, Sur Korea y Singapur. E reglanan revisa a keda publica dialuna riba e website di U.S Federal Register pa publicacion mas den e siman aki. Tambe nan ta limita exportacion di high-bandwidth memory chip pa China. E tipo di cihpnan aki ta necesario pa procesa cantidad di data masivo den aplicacionnan avansa maenra inteligencia artificial.
China su Ministerio di Comercio a protesta esaki y a bisa cu lo tuma accion pa proteha su “derechonan y interesnan,” sin duna mas detaye. “Esaki ta un acto tipico di manipulacion economico y practica contra e mercado,” e ministerio a declara.
Secretario di Comercio Gina Raimondo a bisa cu e movida aki tin e intencion di afecta China su habilidad di usa tecnologianan avansa cu ta “posee un riesgo na nos seguridad nacional.”
