(AP)—E corte supremo na Merca a atende un caso di vaping ayera, considerando e decisionnan di e regulador federal pa blokia productonan di vape cu sabor despues cu uso di e e-sigaria a aumenta entre hobennan.
E corte mas halto ta tumando un apelacion for di e Food and Drug Administrion (FDA), cula a nenga mas cu miyones di aplicacion pa bende productonan cu sabor di fruta y mangel cu ta atractivo pa hobennan.
E decisionnan ey ta parti di un abordamento cu defensornan anti-tabaco ta bisa a yuda reduci vaping entre hobennan pa un nivel mas abao despues di un “nivel epidemico” na 2019. Pero companianan di vaping a argumenta den corte cu e agencia a descarta argumentonan inhustamente cu nan productonan di e-likido dushi por tuma un acercamento diferencia despues cu el a priminti den un publicacion na september pa “salba” vaping.
Varios corte mas abao a rechasa casonan lanta pa companianan di vaping, pero e compania Triton Distrubution a gana na e 5th Circuit Court of Appeals. E corte a descarta un decision blokiando e benta di likidonan cu ta inclui nicotina manera “Jimmy The Juice Man in Peachy Strawberry” cu ta calenta pa un e-sigaria pa crea un aerosol inhalable.
E FDA tabata slow pa regula e mercado di vaping multimiyonario, y hasta algun aña den e vapes cu sabor aborda cu tecnicamente ta ilegal pero cu asina mes ta keda disponible. E agencia a aproba algun vapes cu sabor di tabaco, y recien a permiti su prome sigaria electronico cu sabor di menta pa humadornan adulto.
E blokeo riba vapes dushi, combina cu mas enforsamento, a yuda reduci uso di nicotina entre hobennan pa su nivel mas abao den un decada, segun e Campaign for Tobacco-Free Kids a bisa.
