Ayera mainta, pa alrededor di 7:45, central di polis a ricibi notificacion cu a topa dos boto na Boca Moro. A despacha un patruya di polis na e sitio menciona.
Na yegada di e patruya, nan a topa cu dos boto bandona y jerrycan. Un rato despues a topa tambe cu bultonan di droga.
Na e sitio a presenta departamento di crimen organisa (UGC) pa haci investigacion riba e hallazgo.
Cuerpo Policial ta haci un apelacion na cualkier persona cu por a mira algo of sa algo, pa yama e tiplijn di polis 11141. E yamada ta keda anonimo.
Potret di ilustracion.
