(infobae) – Un encuesta recien realisa pa Invamer a laga evidencia di e division y preocupacion di Colombianonan tocante temanan clave manera negociacionnan cu Ehercito di Liberacion Nacional (ELN), e politica di Paz Total y e gestion general di presidente Gustavo Petro.
E resultadonan ta refleha un panorama compleho y un reto significativo pa gobierno den su buskeda pa consolida su proyecto politico.
E encuesta, di 1,200 persona entre 22 y 26 di november, ta revela cu 50.2% di Colombiano ta opone negociacionnan cu ELN, mientras 45.7% ta sostene nan. E division aki ta refleha e tension existente rond id e strategianan di pacificacion impulsa pa gobierno.
Ademas, 63.3% di encuestado ta considera cu e politica di Paz Total di presidente Petro ta bayendo den direccion robes, mientras cu apenas 29% ta kere cu e ta riba bon caminda. 7.8% di encuestado ta expresa cu no tin un opinion defini, mustrando cierto incertidumbre den sectornan di e poblacion.
Un aspecto clave aborda den e estudio ta e impacto di e politicanan di seguridad di gobierno. Mas di seis di cada dies encuestado (63.3%) ta afirma cu ta sinti mas insigur compara cu periodonan anterior, mientras cu apenas 27.2% ta bisa cu ta percibi mehoracion den seguridad.
E preocupacion aki ta reforsa pa e percepcion tocante perdida di control estatal den zonanan afecta pa gruponan arma ilegal. Un abrumador 78.3% di encuestadonan ta kere cu estado y forsanan arma a perde control di e areanan aki, un dato cu ta subraya e desconfiansa contra capacidad gubernamental pa garantisa stabilidad den e teritorio nacional.
E encuesta tambe a evalua e percepcion di Colombianonan pa cu negociacion cu gruponan arma otro cu ELN. Den e caso aki, 59.4% ta contra e combersacionnan aki, mientras cu 36% ta sostene nan.
Oposicion ta mas intenso ora ta trata di nombra hende cu antecedente grave, manera paramilitar of condenado di delito mayor, como gestor di paz. Un contundente 84.1% di encuestado ta rechasa esaki, plantiando un desafio adicional pa gobierno den su buskeda di aliado dentro di e marco di Paz Total.
