(NLTimes) – Polis Hulandes a significantemente expadne nan uso di tecnologia pa reconoce cara pa por identifica sospechosonan, dependiendo riba un algoritmo nobo cu a mehora nan habilidad di match imagennan cu e base di dato criminal.
E sistema aki, conoci como CATCH, a facilita e identificacion di 424 sospechoso den 2023, marcando un aumento substancial compara cu e aña anterior.
CATCH, cual ta abreviacion pa Central Automated Technology for Recognition, ta opera pa Dutch Center for Biometrics na zoetermeer. E ta haci uso di un base di dato specialisa di imagennan di cara colecta durante investigacion criminal, incluyendo potretnan di sospechosonan y individuonan condena.
Den 2023, polis Hulandes a entrega 1,693 imagen cu no a identifica pa un analisis di investigacionnan criminal. Di esaki, 1,033 imagennan a ser considera apropia pa comparacion, cual a resulta den e 424 identificacion di e expertonan di CATCH. Esaki ta representa un mehoracion dramatico for di 2022, ora cu solamente a logra identifica 104 persona for di 913 imagen entrega.
E polis a enfatisa cu e protocolnan di proteccion di data estricto ta cumpli ora di usa CATCH. “Nunca nos no ta haci uso di reconocimento di cara live, y tur accion ta cautelosamente monitoria pa cumpli cu Police Data Act,” autoridadnan a declara.
Reconocimento di cara via CATCH ta primeramente usa den investigacionnan cu ta trata crimennan serio, manera ofensanan sexual, intento di asesinato, agresion severo, trafico di arma y casonan relaciona cu droga. Pa medio di compara imagennan captura pa testigonan of camaranan di vigilancia na e base di dato di CATCH, e investigadornan por identifica sospechosonan cu posiblemente ya caba tin un record criminal.
E tecnologia a comproba di ta particularmente util den casonan unda e testigonan of victimanan ta provee imagen di sospechosonan di incidente manera agresion riba caya of fraude di porta pa porta. “Hopi biaha, e sospechosonan a comete un crimen anteriormente, y e herment aki ta yuda nos haci e conexion aki,” e vocero a splica.
Center for Biometrics, cual ta maneha CATCH, tambe ta responsabel pa otro metodonan di identificacion, incluyendo analisis di fingerprint, handprint y footprint. Identificacion di fingerprint, conoci como dactyloscopy, ta conduci via HAVANK, un base di dato cu ta contene e fingerprint di mas di 1 miyon individuo. E sistema ta accesibel na otro paisnan y frecuentemente ta yuda resolve casonan cu tin hopi tempo stanca y crimennan serio.
E tipo di data aki, yama Biometric, ta defini como caracteristicanan fisico y di comportamento cu por midi, incluyendo fingerprint, scan di cara y scan di retina. Oficialnan di polis a enfatisa e rol creciente di tecnologianan biometrico den investigacionnan criminal moderno.
Reconocimento di cara usando CATCH ta permiti solamente ora cu identifica un persona su imagen ta crucial den preveni, investiga of persigui crimennan. E proceso aki por involucra sea comparacion directo entre 2 imagennan conico of un buskeda automatisa den e base di dato ora cu no a identifica ningun sospechoso.
