(NLTimes) – Partidonan den oposicion D66, CDA y JA21 lo uni forsa pa logra kita for di mesa gran parti di e recortenan den educacion cu e gabinete di Schoof kier implementa.
Hunto, e partidonan tin 15 asiento den parti di e parlamento Hulandes pero por yuda e coalicion cu e mayoria necesario pa nan plannan den Senado.
E partidonan kier mira e boet di tempo largo den estudio retira y e tempo pa servicio social manteni. Tambe nan kier salba e dia escolar extendi pa muchanan cu desbentaha. Ademas, te unda nan ta concerni, e recorte den e salario pa docentenan tambe mester ser kita.
Di e 2 biyon euro total den recorte proponi pa educacion, e partidonan den oposicion kier mira un uso diferente pa 1.3 biyon euro. Nan ta buscando e placa aki den presupuesto di otro ministerio, incluyendo Salud Publico. Aki, por haci recortenan pa medio di haci specialistanan medico un empleado cu salario y reduci menos e cantidad cu mester paga for di mesun saco.
Segun Joost Eerdmans di JA21, e plan aki por facilmente keda implementa. “Placa ta placa. Con bo yega na dje no ta importa, siempre y cuando e Cas ta di acuerdo. Den e temponan aki, haci recorte den educacion ta lo mas kens cu bo por haci. Nos ta bao un crisis den educacion, tin varios preocupacion grandi y den medio di esaki e gobierno kier trece un recorte di biyones. Esaki ta pensamento di termino hopi pero hopi corto,” el a conta Volkskrant.
Pa medio di menasa un blokeo den Senado, e oposicion anteriormente a logra implementa cambio den e plan di impuesto di Gabinete. Esaki awo ta inclui alivio adicional den impuesto pa famianan unda un solo persona ta genera ingreso, un deseo di e partidonan Cristian di hopi tempo. E aumento den VAT riba cultura y deporte a keda, sinembargo tin un promesa firme pa crea un alternativa pa esaki pronto.
PVV, VVD y BBB hunto tin 30 asiento den Senado. Pa un mayoria, nan tin mester di 8 asiento mas. D66, CDA y JA21 hunto tin 14 asiento.
