(infobae) – Team economico Argentino ta mantene cautela tocante un futuro acuerdo cu IMF. Tanto na Washnigton como na Buenos Aires, ta duna como hecho cu no ta bay tin dificultadnan mayor pa yega na un acuerdo nobo di facilidadnan extendi, cu por inclui no solo meta cuantitativo sino tambe compromiso di reforma structural.
E siman aki, sin duna cifra precies, Luis Caputo a confirma cu e programa nobo ta bay inclui desembolso y cu e enfoke di e negociacion ta riba e tranchenan pa esaki.
Presidente Javier Milei a señala den un entrevista diaranson cu LN+ cu e reduccion di pais riesgo ta “facilita cos hopi” ora a consult’e riba e relacion cu IMF. Tabata e forma di e presidente pa sugeri cu ya no ta bay tin asina hopi dependencia riba e organismo multilateral, sobretodo pensando di enfrenta e debe cu ta vence na 2025. Sinembargo, minister di Economia a reconoce cu a cuminsa “papia informalmente” cu IMF y cu e combersacionnan aki ta inclui placa fresco.
IMF a confirma cu gobierno Argentino “ta explora awo e opcion pa pasa na un acuerdo nobo” na momento cu a bolbe reflexiona riba e politica di gestion di Milei, cu a duna lugar na “resultado impresionante.”
Esaki segun vocero di IMF, Julie Kozack, durante su conferencia di prensa semanal.
