(AP)—Un holoshi di oro cu a ser regala na e capitan di barco cu a rescata 700 sobreviviente for di e Titanic a bende durante subasta pa casi 2 miyon dollar, poniendo un record pa recuerdonan di e naufragio.
E holoshi di Tiffany & Co. a ser regala pa tres sobreviviente femenino na capitan Arthur Rostron pa cambia ruta di su barco pasahero, e RMS Carpathia, pa salba nan y otro despues cu e barco Titanic a dal un ijsberg y a sink den e lama norte Atlantico riba su biahe na 1912.
Subastador Henry Aldridge y yiu, ken a bende e holoshi na un colector priva na Merca diasabra pa 1.56 miyon pond Britanico, a bisa cu esaki ta e piesa mas caro entre e recuerdonan di Titanic. E prijs ta inclui impuesto y tarifanan paga pa e cumprado.
E viuda di John Jacob Astor ta esun cu a regala e holoshi, cual tabata e homber mas rico cu a muri den e desaster, y e viudanan di dos otro empresario rico cu tambe a sink cu e barco. E holoshi di Astor, cual tabata riba su curpa ora esaki a ser recupera shete dia despues cu e barco a sink, a ser e record anteriormente pa e prijs mas halto paga pa un recuerdo di Titanic, garando un oferta di 1.5 miyon dollar for di e mesun cas di subasta na april.
Subastador Andrew Aldridge a bisa cu e hecho cu e recuerdo aki a pone dos record e aña aki ta demostra e fascinacion duradero cu e storia y e balor di e suministro abao y demanda halto pa artefactonan di barco.
Rostron a ser gana como heroe pa su accion e anochi cu e Titanic a sink y su tripulacion a ser reconoci pa nan curashi. E Carpathia tabata nabegando for di New York pa e Lama Mediteraneo ora un operador di radio a tende un yamado di auxilio for di e Titanic den e oranan trempan dia 15 di april 1912, y a lanta Rostron for di soño. El a bira e boto y a bay den direccion di e nave devasta, nabegando via e ijsbergnan pa yega.
Pa ora cu e Carpathia a yega, e Titanic a sink y 1,500 hende a fayece. Pero e tripulacion a localisa 20 boto di bida y a rescata mas cu 700 pasahero y a hiba nan back New York. Rostron a haya premio di Medaya di Oro pa presidente William Howard Taft y despues a ser nombra cabayero pa Rey George V.
Madelein Astor, ken a ser yuda den un boto di bida pa su casa, a presenta e holoshi pa Rostron durante un cena na su mansion na New York. E inscripcion ta bisa cu esaki a ser duna “cu e gratitud profundo y aprecio di tres sobreviviente.” E ta lista Sr. John B. Thayer y Sra. George D. Widener hunto cu e nomber matrimonial di Astor.
