Den su conseho tocante e concepto di Presupuesto Nacional 2025, Raad van Advies, (RvA) ta toca e tema di reforma- y intencionnan di politica. RvA ta remarca cu e dependencia creciente riba turismo, den combinacion cu gastonan di personal cu ta aumenta, ta un riesgo pa finanzas di e pais.

RvA ta remarca cu den e añanan despues di e pandemia, e economia di Aruba ta conociendo un crecemento fuerte cu e desaroyo di turismo como e impulsor principal. Pa 2025 ta anticipa cu e crecemento nominal aki lo sigui, aunke e tasa di crecemento di e economia prome cu 2025 lo ta significantemente mas abou compara cu añanan anterior.

E Conseho ta destaca cu e pilar economico mas importante ta keda turismo, cu un aumento ta anticipa atrobe prome cu 2025 di tanto e cantidad di turista di estadia como e cantidad di turista crucero den combinacion cu gastonan halto riba acomodacion.

RvA ta indica cu a pesar di e sensitividad di e economia di Aruba cu ta hopi habri pa desaroyonan internacional, manera e ainda halto interes internacional, e consecuencianan a largo plaso di e pandemia di COVID-19, e invasion Ruso di Ucrania, crecemento di productividad mundial debil y aumento di fragmentacion geo-economico.

E Conseho ta señala cu e Fondo Monetario Internacional (IMF) ta premira pa aña 2025 pa Aruba un crecemento real di 1.0% y un crecemento economico nominal di 2.7%, cu segun IMF ta pone e GDP na Afl. 7,483 miyon. E Departamento di Asuntonan Economico, Comercio y Industria (DEZHI) ta anticipa un crecemento economico nominal pa 2025 di 1.3%, resultando den un GDP di Afl. 7,504 miyon. A base di esaki DEZHI ta anticipa un inflacion di 2.5% na 2025.

Segun e cifranan di DEZHI e economia lo baha den terminonan real. Un reduccion cu principalmente ta ser causa pa un bahada den inversionnan priva debi na finalisacion di proyectonan di construccion na escala grandi den e sector di hotel pa 2024.

RvA ta indica cu cifranan di desaroyo economico ta mustra tambe cu dependencia riba

turismo ta sigui aumenta. E Conseho ta splica cu considerando e hecho cu un aumento di 1%

den entrada turistico ta conduci na un aumento di 0.6% den GDP nominal, segun e cifranan

di e DEZHI cu e parti creciente di e sector turistico den GDP lo sigui tambe na 2025.

Compara cu 2019, e aña prome cu COVID-19 a bati na porta di Aruba y henter mundo, e cifra di exportacion di turismo (+57%) a aumenta mas cu dos biaha mas lihe cu e GDP (+23%).

E Conseho ta remarca cu no solamente e dependencia creciente aki riba turismo den combinacion cu e gastonan di gobierno cu ta aumentando cada bes, ta un riesgo grandi pa finanzas di e pais, pero tampoco no tin indicacionnan concreto cu ta indica cu ta tuma un

rumbo economico diferente.

RvA ta subraya cu for di e cifranan riba e desaroyo di GDP y e desaroyo di turismo, no ta sali na cla cu tin un trayecto caba pa un economia mas diversifica, y pues un economia mas resiliente.

RvA ta resalta cu a reconoce diferente biaha cu e modelo economico actual basa riba turismo no ta sostenibel riba termino largo. E Conseho ta señala cu e memorandum di splicacion tambe ta afirma cu sigui cu e strategia di crecemento economico actual riba termino largo, sin diversificacion no ta sostenibel y cu un cambio den economia structura ta e punto di salida di politica economico stabiel.

Ademas, e Conseho a indica, varios plan di gobierno, como tambe e pakete nacional, ta enfoca riba diversifica e economia pa haci’e mas resiliente. P’esei e RvA ta preocupa cu

a pesar di e rapportnan aki, plan- y intencionnan pa e transicion real pa un economia sostenibel y diversifica ta tuma tempo tur aña.

Segun RvA e transicion aki no solamente ta importante pa e desaroyo di e economia di Aruba y e sostenibilidad di finanzas publico, pero tambe pa motibo di e consecuencianan social di e modelo economico actual. E Conseho ta destaca cu aunke pa e tumamento di decision strategico ta basa riba un modelo di turismo cu ta basa riba principionan di “Balor Halto – Impacto Abou”, cu e meta di un cambio di volumen pa balor, segun e cifranan di e crecemento den e cantidad di turista e cambio aki ainda no a ser desplega.

RvA ta indica cu esaki ta bisto for di e cifranan mas recien di Aruba Tourism

Authority (ATA) cu den e prome mitaa di 2024, cu ta demostra cu 19.0% mas turista stay-over y 3.5% mas turista crucero a bin Aruba compara cu e prome mita di aña 2023.

E Conseho ta resalta cu como cu Aruba pa hopi tempo caba a surpasa su capacidad di carga, e modelo economico actual no ta solamente un riesgo pa e economia mes, pero tambe pa e sociedad Arubano. RvA a subraya cu Aruba ta na e nivel di turismo cu e pais por handle

sin cu esaki tin consecuencianan negativo pa naturalesa, e medio ambiente, e poblacion local of e calidad di e producto turistico mes.

RvA a destaca cu e consecuencianan aki awor ta birando mas y mas visibel. E conseho a menciona cu por ehempel, e crecemento di e industria di turismo intensivo den trabou no solamente ta conduci na scarsedad di trabou riba mercado laboral, pero tambe na problemanan cu e procesamento di mas y mas awa sushi a traves di e plantanan di tratamento di awa di riool, problemanan den e suministro di coriente y e aumento den huurmento di cas di vakantie ta birando mas y mas visibel.

E Conseho ta subraya cu e consecuencianan di sobreturismo – manera contaminacion, daño na medio ambiente, daño na e ambiente di bida, un bahada den disponibilidad y accesibilidad di vivienda, aumento di prijs y pues un aumento di desigualdad social, door di surpasa e capacidad di carga di e tera, e calidad di bida pa e poblacion na Aruba ta cada bes mas bou presion.

Pa loke ta e nivel di inversion RvA ta indica cu e memorandum di splicacion ta menciona cu intensifica inversionnan pa motibo di economia y/of spaarmento di gasto den e aparato gubernamental como un di e puntonan di salida ora di traha e presupuesto pa e aña di servicio 2025.

E Conseho ta señala cu for di e Cuadro Multianual 2024–2029 ta parce cu e suma calcula di inversionnan den 2025 ta Afl. 32.5 miyon. Sinembargo, RvA ta indica, e suma aki ta keda considerablemente mas abao cu den e concepto di Presupuesto Nacional 2024 montante cual tabata calcula na Afl. 48 miyon.

Por ultimo RvA ta destaca cu aunke e economia, den terminonan financiero, ta desaroyando, miho cu a ser asumi den e concepto di Presupuesto Nacional 2024, e suma di inversion calcula pa 2025 ta mas abou. E Conseho ta realisando preguntanan tocante e realidad di e desaroyonan delinea den inversionnan den e Cuadro Multianual 2024–2029.