(CuraçaoChronicle) – Prome Ministe Gilmar “Pik” Pisas (MFK) ta kere cu e chensnan di eleccion trempan na Corsou ta creciendo mientras incertidumbre ta surgi riba e posibel retiro di e lider di partido KEM Michelangelo ‘Lo’ Martines.
Martines, actualmente deteni bao sospecha di trafico di droga y labamento di placa, a laga e status di mayoria di e parlamento den duda. KEM ta anticipa di tuma un decision tocante su retiro mañan.
Martines su detencion a preveni su persona di sigui su responsabilidadnan como miembro di parlamento. Si e retira, e reemplaso por keda nombra sinembargo si no logra haci esaki, e lo resulta den e perdida di e mayoria di parlamento actual.
Prome Minister Pisas ya caba a inicia dialogo cu Anthony Godett, e di dos candidato di e lista di partido KEM y parlamentario independiente Corine Djaoen-Genaro. “Ambos politico a indica cu nan mester mas tempo pa considera nan opcionnan,” Pisas a declara.
E siman aki, Pisas a reuni cu e Conseho Electoral pa trata tocante e posibilidad di tin eleccionnan trempan. E partido di MFK lo dicidi mañan si lo warda mas tempo pa un resolucion of procede cu disolve e parlamento.
Si disolve e parlamento, eleccionnan nobo lo ta den schedule pa dia 24 di januari. “Partidonan politico lo mester entrega nan lista di candidato na e Conseho Electoral pa dia 6 di december. E parlamento nobo lo mester keda instala oficialmente pa dia 15 di februari,” Pisas a anuncia.
Si MFK scoge di atrasa e decision cu otro siman, e fechanan aki lo keda atrasa di acuerdo na esaki.
