(AP)—Secretario general di NATO Mark Rutte a haci yamado riba aliadonan Occidental pa duna Ucrania mas sosten “pa cambia e trayectoria di e conflict” cu Rusia.
Papiando prome cu un reunion diamars na Paris cu presidente Frances Emmanuel Macron, Rutte a bisa: “Nos mester haci mas cu solamente mantene Ucrania den e lucha.” El a agrega: “Nos mester aumenta e costo pa Putin y su amigonan autoritario por medio di provee Ucrania cu e sosten cu e mester pa cambia e teritorio di e conflicto.”
Rutte, ken no a duna mas detaye tocante e ekipahe militar y armanan necesario pa e proposito ey, a bisa cu e tabata “hopi preocupante” cu Rusia ta birando “mas cerca na su aliadonan, China, Iran y Nort Korea.” E comentarionan ta bin mientras Merca, Sur Korea y Ucrania ta bisa cu Nort Korea a manda miles di tropa pa Rusia pa sostene su guera contra Ucrania.
“Rusia, trahando hunto cu Nort Korea, Iran y China, no ta solamente menasante pa Europeo, pero tambe pa e Indo-Pacifico y Norte America. Pues nos mester para hunto,” Rutte a bisa. Macron a reitera su yamado pa un “Europa fuerte” como un factor clave pa NATO pero tambe como un respuesta pa “loke e administracion Mericano ta anticipa” den un referencia na e eleccion di Donald Trump pa un segundo termino.
Durante su prome termino den e White House, Trump a pusha aliadonan Europeo di NATO pa gasta mas placa riba defensa, te cu of mas cu 2 porciento di nan GDP, y pa ta menos dependiente riba proteccion militar di Merca. “Pa hopi tempo, Europeo a preveni wanta e presion di su mesun seguridad, keriendo cu e por, den un manera, ricibi e dividendonan di paz sin un limite di tempo,” Macron a bisa.
