(AP) – Un evento anual involucrando sushi, cerbes y placa un biaha mas a atrae decenas di competidor emociona na un resort di ski na Maine diasabra.
Mas di 30 pareha a competi den North American Wife Carrying Championship, un careda di 254 meter durante cual competidornan ta core den awa, ta bula riba balonan y cana door di lodo mientras nan ta carga nan casa manera un saco di batata.
Origen di e deporte aki no ta exactamente politicamente corecto. E ta basa riba un leyenda di Finlandia di siglo 19 involucrando un homber conoci manera “Ronkainen the Robber,” ken su gang tabata conoci pa horta na pueblonan y bay cu e muhenan carga, segun un di e splicacionnan inclui riba e website wife-carrying.org.
Tradicionalmente, e evento aki tin competidornan masculino ta carga un muhe. Riba diasabra, e parehanan cu competi no mester ta casa ni tampoco mester ta un homber cargando un muhe.
Un di e participantenan, esun cargando e pareha, tabata bisti manera Mr. Incredible y su casa tabata bisti completamente na ros. Nan y otronan a ricibi apoyo di audiencianan di ambos banda na e curso situa na Sunda River Ski Resort. Mayoria a logra nabega e seronan yen di yerba, nan partner a bula baha prome cu nan a bolbe uni y sigui nan caminda.
Mayoria di e participantenan a usa e tecnica den cual e casa ta carga manera un tas – boca abao – pa garantisa cu e mannan di esun coriendo ta liber pa un agilidad mas aumenta. Cu sonrisa, e competidornan ta caba muha y tur na lodo.
E campeon ta bay cu e peso di su casa den cerbes y 5 biaha e casa su peso den placa. Pa calcula e cantidad cu nan gana, e pareha cu “gana” ta sinta riba un wip-wap pa pisa unda e organisadornan ta balansa e otro banda cu cahanan di cerbes.
“Nos ta bin tur aña pa pasa pret,” Wade Porterfield di Cuba. New York, cu a competi cu su casa, Sara Porterfield a comparti. “Tambe tin un chens chikito cu nos lo gana. Practicamente tur hende ta apoya tur hende y ta un momento hopi dibertido.”
