(AP) – Otro den un serie di tormentanan solar poco usual golpiando e planeta a produci shelonan hermoso yen di lusnan ros, biña, berde y blauw mas leu di lo normal, incluyendo den partinan di Alemania, Reino Uni, Nueva Inglaterra y New york City.
“E tabata un ilustracion bastante extenso,” Shawn Dahl a bisa, un pronosticador di tempo na U.S National Oceanic and Atmoshperic Administration’s Space Weather Prediction Center. El a bisa cu e centro a ricibi rapport di hendenan cu a mira e luznan te hasta na New Mexico. “E ta un aña grandioso.”
No tabatin rapport inmediato tocante strobamento na coriento ni communicacion.
NOAA a emiti un alerta di tormenta geomagnetico fuerte riba diaranson despues cu un brote di e solo a ser detecta anteriormente den e siman. E tipo di tormenta aki ta aumenta e chens di aurora, tambe conoci como ‘northern lights’, y por temporariamente stroba electricidad y señalnan di radio.
NOAA su pronostico di diabierna a mustra un actividad mas halto di lo normal, sinembargo e chensnan di otro show durante anochi ta tiki mas na Canada.
E fenomeno conoci como ‘northern lights’ ta ora cu e solo ta manda mas cu cayente y solo na e planeta. E ta manda tambe energia y particulanan carga conoci como biento solar. Sinembargo tin biaha e biento solar aki ta bira un tormenta. E solo su atmosfera mas pafo ocasionalmente ta “respo” y causa brotenan di energia sumamente grandi yama ‘coronal mass ejection.’ Nan ta produci tormentanan solar, tambe conoci como tormenanan geomagnetico, segun NOAA/
Planeta tera su veld magnetico ta proteha nos di mayoria di esaki, sinembargo e particulanan por pasa den e veld magnetico su lineanan na noord y zuid pool y drenta e planeta su atmosfera.
Ora cu e particulanan aki interactua cu e gasnan den nos atmosfera, nan ta produci luz, blauw y biña a causa di nitrogeno y berde y cora a causa di oxigeno.
Dahl a bisa cu e tormenta aki a genera un bista particularmente vibrante ora cu el a golpia a cusa di e orientacion di e tormenta su magnetismo y cu esaki a alinea bon cu esun di planeta tera. “Nos a keda bon conecta,” el a bisa.
Actividad solar ta aumenta y disminui den un ciclo cu ta dura alrededor di 11 aña, segun astronomonan. E solo aparentemente ta cerca di e punto mas halto di e ciclo aki, conoci como un maximum solar.
Den mei, e solo a tira su ‘flare’ mas grandi den dos decada. Esaki a bini dianan despues cu varios tormenta solar a golpia planeta tera y a causa aurora den partinan cu no ta custumber den e hemisferio noord.
Ta hopi probabel cu lo tin mas cu ta bin. Dahl a bisa cu nos ta keda “den man” di e maximum solar y no ta probabel di cu esaki lo cuminsa bay te cu comienso di aña 2026.
“Nos lo tin mas di e experiencianan cu nos a experiencia caba,” el a bisa.
