Segun e rapport mas recien di World Wildlife Fund (WWF), e region di Latino America y Caribe a registra e reduccion mas grandi y dramatico den poblacionnan animal na mundo den ultimo 50 aña.

Den e rapport ta usa e Indice di Planeta Bibo (Living Planet Index, LPI), cu ta track cambio den e abundacia relativo di poblacionnan di especie vertebrado salvahe durante tempo. Abundancia relativo ta referi na e tasa na cual poblacionnan di bida salvahe ta cambiando durante tempo, sin importa e tamaño di e poblacion en cuestion. Poblacionnan por inclui hopi individuo of masha poco: door di midi cambio den abundancia relativo, e LPI ta track e tendencia na lugar di aumento of reduccion den e cantidad total di animal individual.

E LPI Global pa 2024 ta mustra un reudccion di 73 porciento entre 1970 y 2020, representando un averahe anual di reduccion di 2.6 porciento. Esaki ta nifica cu durante 50 aña, e tamaño di poblacionnan monitoria di bida salvahe den e LPI a reduci, en averahe, cu casi cuatro tercera parti.

Den e LPI ta inclui casi 35mil tendencia di poblacion y 5,495 especie. Ta colecta e datonan aki for di sitionan di monitoreo rond mundo y ta inclui poblacionnan cu ta aumentando, reduciendo of stabiel durante tempo. No tur poblacion den LPI ta reduciendo: Hopi di nan ta mustra tendencianan stabiel of positivo y esaki hopi biaha ta varia segun e tipo di especie y e region di mundo den cual e ta biba.

Door di monitoria cambio den e tamaño di poblacionnan animal durante tempo, LPI ta yuda compronde e salud di ecosistemanan. Tendencianan den abundancia di poblacionnan, of con hopi animal individual tin di cada especie na un sitio particular, ta mustra con bon e ecosistemanan ta funcionando. Poblacionnan stabiel a largo plaso ta provee resiliencia contra problemanan manera malesa y eventonan di clima extremo. Un reduccion di poblacion, manera mustra den e LPI global, ta reduci resiliencia ta menasa e stabilidad di e ecosistema.

E rapport aki ta destaca cu e region di America Latino y Caribe ta mustra e velocidad mas rapido di reduccion di cualkier region desde 1970. E indice a mira un reduccion di 95 porciento entre 1970 y 2020, ekivalente na un cambio di 5.7 porciento pa aña.

E conversion di grassland, boske of selva y wetland, e sobre-explotacion di especienan, cambio climatico y e introduccion di especienan no-nativo a contribui na e caida precipitoso aki. Den e region aki, ta reporta cambio climatico mas frecuentemente como un menasa na poblacionnan. Por ehemplo, a sugeri cu cambio climatico a empeora e efectonan di un schimmel devastador afectando algun especie anfibio na Sur America, y den habitatnan relativamente no perturba, cambio climatico por ta impulsando e reduccion den cantidad di algun parha di selva Amazonico. Mientras poblacionnan ta reduci, e Amazon basin, un sistema critico den e region aki, ta enfrentando e riesgo di alcansa un ‘tipping point.’

‘Tipping point’ peligroso

E LPI y indicadornan similar tur ta mustra cu naturalesa ta desapareciendo na un velocidad alarmante. Mientras cu algun cambio por ta chikito y gradual, nan impacto cumulativo por impulsa un cambio mas grandi y rapido. Ora impacto cumulativo ta alcansa cierto nivel, e cambio ta bida auto-perpetuante, resultando den cambionan substancial, hopi biaha abrupto y potencialmente ireversible. Esaki ta ser yama ‘tipping point’.

Den mundo natural, un cantidad di tipping point ta altamente probable si ta permiti pa e tendencianan actual continua, cu consecuencianan potencialmente catastrofico. Esaki ta inclui tipping point global cu ta presenta menasa grave na humanidad y mayoria di especie, y lo afecta e sistemanan di Tera cu ta sostene bida y desestabilisa sociedadnan tur caminda.

Señalnan di advertencia trempan ta indica cu varios tipping point global ta cerca: Den biosfera, e morto masal di rif di coral lo destrui pesca y proteccion di tormenta pa centenares di miyones di hende bibando den costa. E tipping point di selva Amazonia lo libera tonelada di carbon den atmosfera y afecta patronchi di clima rond mundo. Den circulacion di ocean, e collapse di e gyre subpolar, un coriente circular sur di Greenland, lo cambia patronchinan di clima dramaticamente den Europa y Sur America. Den e cryosfera, e partinan frozen di e planeta, e smelt di Greenland y West Antartica su ice sheets lo libera hopi meter di elevacion di nivel di lama, mientras cu si permafrost descongela, e lo libera emisionnan enorme di carbon dioxide y methaan.