(AP) – Eminem a mata su otro personalidad yama Slim Shady cu su album mas recien, y ta habriendo caminda pa un nomber nobo: Welo.
E rapper a anuncia cu su yiu muhe Hallie Jade ta embarasa via un video musical emotivo cu ta un tributo na nan relacion. Videonan casero di te hasta 1999 y potretnan di e duo di tata cu yiu, conhuntamente cu videonan di su matrimonio cu a tuma luga den mei, ta enfatisa pa e cantica emocional “Temporary” den e video cu a lansa diahuebs.
Den un clip di un video recien, su yiu muhe ta entrega Eminem un jersey cu e nomber “Grandpa” patras cu e number 1. Tambe e ta entrega potretnan di echo y Eminem ta asombra.
E influencer di rednan social a confirma e noticia di su embaraso oranan despues cu a lansa e video musical, cu un publicacion riba Instagram cu e mensahe “Mom & dad est. 2025.”
Representantenan di Eminem no a duna comentario inmediatamente ora cu a pidi pa esaki.
“Temporary,” di Eminem su album mas recien “The Death of Slim Shady (Coup de Grgace), ta skirbi como un mensahe di aliento na us yiu muhe despues cu e fayece. “Mi ta wak bo aworaki, y mi ta priminti cu mi lo proteha’bo, bo angel guardian,” e ta bisa den e cancion, cual a ser lansa den juli.
E interprete di “Lose Yourself” semper tabatin un luga special pa su yiu muhe, frecuentemente mencionando e den su canticanan y te hasta skirbiendo tributonan completo na dje manera “Hallie’s Song” y “Mockingbird.”
Den “Mockingbird,” un faborito di e fanaticonan, Eminem ta bisa “What Daddy always tell you? Straighten up, little soldier,” letra na cual e ta haci mencion den “Temporary.”
Jade ta Eminem su unico yiu biologico, ken e ta comparti cu su ex pareha Kim Scott. Tambe el a adopta dos di Scott su yiu muhenan di relacionnan anterior.
