(AP) – Sean “Diddy” Combs a ser golpia cu acusacionnan di agresion sexual nobo riba diabierna ora cu un muhe a entrega demanda na New York citando cu el a ser droga y abusa sexualmente varios basa na cas di e magnate di musica y te hasta a keda na estado despues di un di e encuentronan.
Esaki ta marca e mas recien di e demandanan similar di hende muhe entrega den contr di Combs, ken tambe a keda deteni siman pasa bao acusacion di trafico sexual.
E demanda a ser entrega contra Combs, su compania y varios di su asociadonan ademas di pidi compensacion no revela pa heridanan fisico, sufrimento emocional, humiliacion, ansiedad y otro dañonan causa. Un abogado di Combs, su compania y un di su representantenan no a inmediatamente contesta email pidiendo comentario.
E muhe den e demanda mas recien, identifica como Jane Doe, a acusa Combs di sexualmente agredi su persona mientras e tabata inconsciente a causa di droganan y ta acusa cu Combs y su conocidonan a graba encuentronan sexual cune sin su permiso. E ta bisa cu el a conoce Combs den 2020 y e agresion y acoso a keda sosde te cu juli di e aña aki.
Doe ta bisa cu hopi biaha el a ser obliga of acosa te ora cu el a acepta biaha bay casnan di Diddy na New york, Lons Angeles y Miami ademas di otro ciudadnan, incluynedo mensual den 2021 y 2022.
“Na cada bishita, Combs tabata pone e muhe en cuestion ‘haci un show p’e’ y tabata yen’e cu alcohol y substancianan te ora cu e cay inconsciente. E tabata lanta cu heridanan pero sin recuerdo di con el a haya e heridanan,” e demanda ta acusa.
Den un encuentro cu a sosode den juli di 2022 cu Combs na su cas di Los Angeles, e muh ta acusa den e demanda cu el a ser obliga usa droga cu e ta kere tabatin ketamina y a black out. Despues el a tuma un prueba di embaraso y a bisa Combs cu e tabata positivo. Un asociado di Combs a exigi den varios ocasion pa e aborta y el a termina ta perde e baby, e ta segura.
Den juli ultimo, Combs a “duna ordo” [a e bay su cas na Miami, unda e ta acusa cu Combs a pone dos pildo den su boca. E ta bisa cu e siguiente mainta el a sinti malo y confundi pero n ota corda kico a sosde e anochi prome y cu e camber tabata completamente desordena.
Doe, ken ta representa pa e abgoadnan Marie Napoli y Joseph Ciaccio, tambe ta acusa cu Combs y su asociadonan a monitor su paradero y su combersacionnan. E ta bisa cu Combs a desencurasha su persona di traha y tabata dune un “zakgeld” cu e tabata usa pa control’e.
“Figuranan poderoso den e industria di entretenimento tin hopi tempo ta explota e artistanan cu ta cuminsando e buskeda y realisacion di nan soñonan,” Napoli a bisa denu n declaracion. “Demandanan recien di perfil halto ta tene e celebridadnan aki responsabel, potencialmente transformando e practicanan di e industria y treciendo husticia pa e victimanan. Ningun hende ta riba di ley. Fama y rikesa no ta proteha Sean ‘Diddy’ Combs di acusacionnan serio di trafico sexual y abuso.”
