Aruba Human Resources Association (AHRA) a tene su reunion general di September cual a reuni recientemente profesionalnan di HR, tanto miembro di AHRA como no-miembro cu e topico di Maneho di Inmigracion.
E reunion general a wordo honra cu oradornan invita for di Departamento di Integracion y Maneho di Stranhero (DIMAS). AHRA kier a gradici Monique van Wilgen, Mario Wever, y su team pa comparti nan experticio riba e topico di Maneho di Inmigracion.
E Team di DIMAS a duna nos profesionalnan di HR un bon conocemento y informacion riba con e proceso pa sollicita pa permiso di trabao na DIMAS, tambe e polisanan nobo pa admision. Tambe, DIMAS a comparti informacion di nan proceduranan y servicionan nan ta ofrece. Nan a duna un splicacion tambe con por nabega e website y tambe e web portal di DIMAS, y a duna un bista breve den e workflow di DIMAS.
Nos profesionalnan a sali for di e reunion empodera cu conocemento practico y cu perspectivanan nobo riba e tereno di Inmigracion Management cu ta desaroyando continuamente.
E board di AHRA ta contento cu e resultado di e reunion general aki. AHRA ta compromete pa mantene profesionalnan envolvi y informa mientras AHRA ta continua explorando temanan nobo y relevante hunto cu su miembronan y tambe e no-miembronan.
