(AP) – James Earl Jones, ken a combati prehuicio racial y problemanan pa papia y bira un iconoc celebra di tanto escenario como pantaya a fayece. E icono conoci como e bos tras di The Lion King y Darth Vader a fayece cu 93 aña.
Su agente,. Barry McPherson a confirma cu Joens a fayece dialuna na su cas den Hudson Valley. E causa no tabata inmediatamente cla.
E pionero Jones, ken den aña 1965 a bira un di e prome actornan Africano Americano den un rol continuo pa drama diario “As the World Turns” y a traha te cu su 80 aña, a gana 2 Emmy, un Golden Globe, dos Tony Award, un Grammy, National Medal of Arts y Kennedy Center Honors. Tambe el a ricibi un Oscar honorario y un Tony special pa Lifestime Achievement. Den aña 2022, un teatro na Broadway a ser nombra na su honor.
E tabata un figura elegante den bida, cu un sentido di humor y habitonan di trabao feros. Den 2015, el a yega training pa e show di Broadway The Gin Game cu henter e show memorisa y schrift yen di nota y comentario di e ekipo creativo. El a bisa cu semper e ta na servicio di trabao.
“E necesidad pa conta un storia semper tabata cu nos,” el a conta The Associated Press den e tempo aki. “Mi ta kere cu el a sosode tempo hende tabata bay camping y sinta banda di fogata, y e tata ta bin bisa e famia cu el a gana contra e beer, e beer no a gana contra dje.”
Jones a crea peliculanan memorabel mientras cu e escritor tabata drenta back dilanti pantaya cu Field of Dreams, e boxeado Jack Jonhson riba escenario cu The Great White Hope, escritor Alex Haley den The Next Generation y un minister Sur Africano den Cry, the Beloved Country.
Tambe e tabata un actor di bos hopi conoci, dunando su bos pa e villano Darth Vader, cu e frase iconico “No, i am your father” pero comunmente recorda como Luke, I am your father”, ademas di e dignidad benigno Rey Mufasa den ambos version di 1994 y 2019 di Disney su The Lion King, ademas di anuncia This is CNN durante break di e stacion. El a gana un Grammy den 1977 pa su trabao riba e audiobook Great American Documents.
“So bo tabata un actor of ta inspira pa ta un actor, un di e standard cu nos semper tabatin ta di ta un James Earl Jones,” Samuel L. Jackson a yega di bisa.
Algun di su otro peliculanan ta inclui “Dr. Strangelove,” “The Greatest” cu Muhammad Ali, Conan the Barbarian, Three Fugitives y adaptacionnan di Tom Clancy.
LeVar urton, ken a actua banda di Jones den e pelicul di televison “Guyana Tragedy: The Story of Jim Jones,” a duna tributo riba X publicando “nunca lo tin un otro combinacion particular manera di dje di gracia.”
