Minister di Finazas di Sint Maarten a presenta amienda na acuerdo di Ennia pa spaar NAf. 37M

(TheDailyHerald) – Minister di Finanzas di Sint Maarten, Marinka Gumbs a presenta Parlamento un addendum pa e Ennia Outline Agreement y a urgi parlamentarionan pa aproba e amienda na e acuerdo, cual el a bisa ta bay spaar e pais aproximadamente NAf. 37 miyon den comparacion cu e acuerdo prepara pa e gobierno anterior.

E addendum ta declara cu Sint Maarten no ta bay paga pa e aseguradonan di Ennia na Bonaire, Sint Eustatius y Saba; no ta bay paga pa aseguradonan di Ennia Surnam; no ta bay paga pa gastonan operacional di Ennia, y cu Sint Maarten ta bay di acuerdo pa scapa solamente su aseguradonan.

E amienda ademas ta indica cu Sint Maarten ta bay ricibi prioridad den cumpra Mullet Bay y cu ta bay tin un administracion separa pa Sint Maarten y e pais ta bay ricibi un rapport anual di un accountant externo riba e porcion di Sint Maarten di e fondo di resolucion. Ta bay duna e rapport aki anualmente dia 1 di april.

Tambe declara den e amienda ta cu Sint Maarten ta bay tin un facilidad peak separa pa preveni cualkier mescla di gasto y Sint Maarten ta bay spaar miyones den gasto di interes pa motibo di su uso limita di e facilidad di peak.

Gumbs a bisa parlamentarionan cu e cambionan aki ta bay sigura cu Sint Maarten ta cubri aseguradonan solamente di Sint Maarten y no e entidad Ennia.

El a bisa cu e ahorro financiero pa Sint Maarten cu lo logra mediante e amienda aki ta NAf. 37 miyon.

E suma aki ta representa NAf. 5 miyon spaar door di no cubri aseguradonan di BES y Surnam, NAf. 15 miyon door di no cubri gasto operacional di Ennia, NAf. 14 miyon pa reduccion den gasto y pues un balans positivo di cash na final, y NAf. 3 miyon spaar den interes pa motibo di peak facility separa y uso limita di peak facility.

“Loke ta spaar den total pa Sint Maarten ta NAf. 37 miyon, cu ta representa un 30% spaar compara cu e acuerdo original. Mientras cu esaki por no ta mesun significante pa Corsou, nan ta altamente significante pa Sint Maarten. Esaki ta sigura cu nos, Sint Maarten, mientras no ta beneficia di e continuacion di grupo Ennia, ta enfoca solamente den protege nos propio aseguradonan,” e minister a bisa.

“Ademas, e ta garantisa cu nos no ta bay salba Ennia como compania, solamente contribuyendo na nos aseguradonan mientras tambe ta sigura cu St. Maarten ta bay tin prome prioridad den cumpra e ‘prime location’ di Mullet Bay. Tur cos den consideracion, bo decision positivo pa e amienda aki lo indica cu bo ta scoge Sint Maarten y poniendo su pueblo na prome lugar,” el a bisa parlamento.

El a bisa parlamento cu den e acuerdo firma pa gobierno anterior na october 2023, a declara cu si Sint Maarten no tin un acuerdo riba e saga di Ennia prome cu october 2024, e pais lo ta suheto na interes di NAf. 10.6 miyon, di cual e tasa di interes ta 3.4% pero lo subi na 6.8% na 2025; 10 miyon den repago di debe; e total di NAf. 20.6 miyon caduca na october 2024.

Sinembargo, si haya un solucion pa Ennia, ta bay aplica NAf. 9.1 miyon den interes; NAf. 2 miyon den repago di prestamo pa un total di NAf. 11.1 miyon cu ta caduca na october 2024.