Diabierna ultimo, 20 candidato di e Training Basico di Wardacosta 2024 a marcha den Base Naval Parera despues di completa cuatro siman introductorio intensivo. E candidatonan di Aruba, Corsou y Sint Maarten, exitosamente a completa e periodo di introduccion dificil y e ehercicio final.
Durante e simannan introductorio, yama Fuerte Hunto, e hobennan a tuma lesnan clasico y a experiencia varios camp introductorio pa cuatro siman bao supervision di instructornan di wardacosta. Durante e bivakken, e aspirantenan a marcha varios kilometer, a landa hopi, a cushina pa nan mes, a construi raft y tambe a completa ehercicionan amfibio.
E ehercicio final di e simannan di introduccion a inicia diahuebs anochi y a caba diabierna mainta pa 8or na Base Naval Parera. Prome cu e ehercicio final, e aspirantenan a marcha y paddle riba lama cu Base Naval Parera como nan destinacion final. Na nan yegada na Base Marino Parera, e aspirantenan a keda ricibi pa un caluroso bon bini na entrada cu aplauso duro di nan futuro coleganan wardacosta y otro coleganan na e base Naval.
E simanna di introduccion ta marca comienso di e Training Basico di Wardacosta, BOK, cu ta dura un aña. Comienso di e curso tambe ta marca e momento unda e cooperacion cercano entre Wardacosta y Instituto di Cumplimento di Ley y Training di Seguridad, ORV, ta drenta un fase nobo y BOK 2024 su aspirantenan ta sigui e curso reconoci SBO-2 Junior Crew Member Wardacosta conhuntamente duna pa ORV y Wardacosta.
E siman aki, e 20 aspirante ta bay cuminsa e modulo di habilidadnan basico cu ehercicio di prome auxilio y tiramento cu ta bay dura 8 siman. Wardacosta ta desea e aspirantenan bon suerte!
