(Semana) – Contraloria General di Republica a bati alarma tocante e riesgo halto di un blackout den e pais; Segun e organo di control, casi 10 miyon persona, den diferente region di e teritorio nacional, lo por keda sin servicio publico, debi na un retraso di Ministerio di Mina den e pago di subsidio na e companianan encarga cu suministro di energia.
“A establece cu tin un retraso den e pago di subsidio na companianan cu ta provee servicio di energia publico door di Ministerio di Mina y Energia, siguiendo alocacion di presupuesto for di Ministerio di Finansa y Credito Publico. E situacion aki por conduci na e riesgo inminente di racionamento y hasta stop di dunamento di servicio di energia na mas cu 10 miyon hende na Costa di Caribe, na Nariño, Choco y Puerto Carreño (Vichada),” asina Contraloria a indica.
Asina tambe, el a hala atencion na e Superintendencia di Servicio Publico y Industria y Comercio, entidadnan cu, segun e organo di control, no a lanta ningun alerta tocante e posibilidad di un cortamento generalisa di e servicio aki, un situacion clasifica como di “gravedad special” pa e Contraloria mes.
“E organo di control aki mester specifica cu e vigilancia y control riba e suministro eficiente di servicio publico na casnan ta responsabilidad di Superintendencia di Servicio Publico Industria y Comercio, sin cu ningun tipo di accion ta ser tuma door di e autoridadnan menciona anteriormente, a pesar cu e ta un situacion particularmente serio,” Contraloria a agrega.
Debi na e situacion delicado aki cu e habitantenan di e departamentonan aki ta confrontando, e propio controlado Carlos Hernan Rodriguez Becerra a pidi gobierno nacional pa tuma e medidanan necesario pa evita cu casi 10 miyon hende ta keda sin e servicio di energia di coriente den nan cas.
Na opinion di Contraloria, e riesgo di un blackout ta consecuencia di tres accion cu no a tuma luga y cu tin di haber tanto cu gobierno actual como administracionnan anterior; Den sentido aki, e preocupacion ta halto debi na e medidanan cu a sero tuma durante e pandemia, pero cu no a actualisa of tuma na cuenta unabes cu e periodo di crisis aki a termina.
“Den opinion di Contraloria General di Republica, e falta di decision di parti di Gobierno nacional riba e reembolso na dunadonan di servicio di recursonan cu no a cobra debi na ‘e opcion di tarifa’, cu a vries tarifanan durante pandemia pa alivia e gastonan di e hogarnan Colombiano.
Un otro factor ta e fracaso di e operadornan di red pa cumpli cu nan obligacionnan cu e mercado di energia mayorista, cu tin un impacto riba posibel limitacionnan den e suministro di energia door di generatornan na proveedornan di servicio of operadornan di red, specialmente companianan di Costa di Caribe,” e mecanismo di control a remarca.
Segun Oficina di Contraloria, e riesgo di un blackout ta bay mas leu, ya cu un interupcion di coriente generalisa lo a causa fayonan den sectornan manera salubridad, educacion, comercio y hasta e sistema di acueducto.
