(AP) – Fatman Scoop, e artista di hip-hop cu tabata den posicionnan halto na Europa cu “Be Faithful” den comienso di añanan 2000 y despues a fia su bos distinto y vibra unico na hitnan di Missy Elliott y Ciara, a fayece despues cu el a collapse riba escenario na un show cu a tuma luga na Connecticut, segun oficialnan y su famia. E tabatin 53 aña di edad.
E causa di su fayecimento no tabata inmediatamente cla.
E tabata dunando un concierto na Hamden Town Center PArk ora cu el a collapse diabierna atardi, hefe di empleadonan Sean Grace a informa diabierna. Alcalde Lauren Garrett a publica riba Facebook cu e tabatin un emergencia medico. E audiencia presente y paramediconan a purba yuda e artista, ken a ser hiba emergencia.
Su famia a bisa den un publicacion di Instagram cu “mundo a perde un alma briyante, un luz riba escenario y den bida.”
Cu un sensibilidad imenso, Fatman Scoop tabata un di e artistanan fiho den musica toca na clubnan nocturno. Sinembargo si mundo tabata conoc’e como “e bos di e nightclubnan”, su famia tabata conoc’e como “e harimento di nos bida, un fuente constante di sosten, fortalesa y balentia cu nunca a debilita,” su familiarnan a comenta.
“Su musica a pone nos baila y brasa bida cu positivismo. Su alegria tabata contagioso y e generosidad cu el a extende na nos tur semper nunca lo ser lubida,” nan a agrega, bisando cu e ta laga atras un “legado di amor y briyo.”
Naci Isaac Freeman III, Fatman Scoop tabata di New York City su bario Harlem y a genera fama cu e hit di 1999 “Be Faithful.” Loke a cuminsa como un exito menor na Merca a bira inmenso na Europa den 2003, yegando posicion number 1 na Reino Uni y Irlanda.
