(AP) – Merca a haci yamado na Sudan su ehercito pa uni e dialogo cu meta di calma e pais su conflicto mientras e pais Africano ta enfrenta un crisis humanitario cu cada bes ta empeora.
E ehercito a boycott e negociacionnan na Geneva, Swizterland, awo den su tercer dia, apesar di e peticionnan internacional cu ta tuma parti den e dialogo. Sudan su ehercito ta batayando e paramilitar poderoso conoci como Rapid Support Forces. “E RSF ta keda aki cla pa dialogo cuminsa; SAF tin cu dicidi pa uni,” U.S Special Envoy pa Sudan Tom Perriello a publica riba X diabierna, usando e abreviacion pa Sudan’s Armed Froces.
Diplomaticonan di Saudi Arabia, Egipto, United Arab Emirates, African Union y United Nations tabata presente na e dialogo, cual a cuminsa anteriormente e siman aki. Sudan su paramilitar a manda un delegacion pa Geneva.
Riba diahuebs, Sudan su conseho den gobernacion, cual ta lidera pa generalnan militar top, a anuncia cu nan a habri e frontera cu Adre, for di Chad pa Sudan su region Darfur, cual a ser golpia pa luchamento.
E anuncio a duna bon bini na Nacionnan Uni y Merca, pero no a keda cla con esaki lo afecta entrega riba vloer, unda inundacion pisa tambe a impedi acceso den simannan recien. Ambos banda a intercambia acusacion di ataca ciudadanonan y stroba sosten desde e pais su geura cuminsando na April 2023. E nacion Africano tambe a cay den caos aña pasa ora cu tension entre ehercito y RSF a keda habri na lucha den e capital, Khartoum, prome cu plama e pais.
E dialogo lidera pa Geneva ta bini mientras mas persona ta enfrenta hamber severo, prsonanan cu ta huy y e ciudadanonan su morto ta keda aumenta.
