(CuraçaoChronicle) – E sindicato DOEN a emiti un advertencia tocante problemanan urgente den e sector di educacion cu mester atende den e aña escolar binidero.
E sindicato a enfatisa e preocupacionnan tocante e standard di trabao anual, oranan insuficiente pa duna les y e condicionnan di trabao precario incluyendo e clima y temperatura den klasnan. Adicionalmente, DOEN a haci yamado pa atencion inmediato na e orario laboral di 27 ora pa VSBO y e oranan di vakantie pa empleadonan cu no ta docente. E aña escolar nobo a cuminsa ayera.
E ana escolar aki, DOEN tambe lo pone extra enfoke riba e empleadonan kendenan a cuminsa durante e añanan escolar di 2018/2019 y 2019/2020, ademas di lidernan escolar manera hoofd, assistent di e hoofd, rector, con-rector y e assistentnan den klas. E sindicato tin plan di provee mas informacion pronto tocante e causanan pa e enfoke specifico aki.
Ademas, DOEN ta keda comprometi den atende e problemanan di hopi tempo caba, manera e reduccion di salario di 12% cu te ainda ta afecta e docentenan, salarionan abao y e ambiente laboral en general. E sindicato tambe a anuncia su participacion den GOA pa fortalece e lucha pa miho condicionnan laboral.
“Tin trabao pa haci y nos ta cla p’e!” e directiva di DOEN a comenta, enfatisando cu accion ta necesario pa garantisa e calidad di educacion na Corsou.
