(AP)—E oficialnan di Salud na Merca aproba diabierna un spuit nasal pa trata reaccionnan severo di alergia, e prome alternativa sin hangua. E Food and Drug Administration (FDA) a bisa cu el a aproba e spuit for di fabricante di medicina ARS Pharmaceuticals Inc. como un tratamento di emergencia pa adulto- y muchanan mas grandi experenciando reaccionnan severo di alergia conoci como anafilaxia.
Anafilaxia ta sosode ora e sistema immuun di e curpa desaroya un reaccion inespera pa un substancia stranhero, manera cuminda, mordi di insecto of medicamento. Sintomanan comun ta inclui hives, hinchamento, grawatamento, sacamento y problema pa hala rosea.
E aparato, promove como Neffy, por cambia tratamento pa e 33 miyon pa 45 miyon di Mericanonan cu alergianan severo pa cuminda y otro trigger. Anafilaxia ta manda mas cu 30,000 hende na eerste hulp y ta resulta den mas cu 2,000 hospitalisacion y mas cu 230 morto na Merca tur aña.
Di e 6 miyon prescripcion skirbi pa auto-inyectornan cada aña, mas cu 40 porciento nunca ta ser yena, segun Dr. Thomas Casale, un alergista na e University of South Florida, a conta un panel consehero aña pasa. Hasta ora esakinan ta disponible pa proveedornan di cuido, hopi auto-inyectornan ta ser usa incorectamente, el a bisa.
“Tin un necesidad medico cu no ta ser cumpli pa un porcion grandi di e poblacion,” el a bisa.
Neffy ta diseña pa hende cu ta pesa al menos 29 kilo. E ta ser suministra den un solo dosis den un banda di nanishi. Un segundo dosis ta ser duna si e sintomanan di e persona no ta mehora.
E tratamento nobo por cambia bida di hende cu alergia severo pa cuminda, segun Dr. Kelly Cleary, un pediatra y director cu e Food Allergy Research & Education, un grupo di abogacia NGO.
“Mi a mira e mirada di preocupacion of miedo,” Cleary a conta, di ken su yiu homber di 11 aña tin varios alergia pa cuminda. “Mi ta preocupacion di kico ta pasa si un hende duda.”
Rekeriendo un inyeccion den un emergencia ta causa mesun spanto na muchanan cu e reaccion alergico mes. algun mayor mester wanta nan yiunan pa asina inyecta nan, tin biaha causando algun corta y rekeriendo hilo. Aproximadamente 3,500 dunado di cuido ta ser herida ora nan inyecta nan mes accidentalmente den man,” ARS a bisa.
Priscilla Hernandez, di Pasadena, California , a bisa cu su yiu homber di 12 aña, Zacky, ken ta alergico na sesame, pinda, nuez di arbol, awacati y otro cuminda, tabata traumatisa ora el a haya un reaccion na scol casi seis aña pasa y un nurse a trat’e cu un auto-inyector.
El a bisa awo cu e ta “hopi contento” tocante e aprobacion di e spuit, cual Zacky lo cuminsa carga ora e bira disponible. Introduci inicialmente na 1901, epinephrine a bin prome cu e FDA mes. productonan manera e EpiPen auto-inyector, aproba na 1987, a ser autorisa a base di data riba kimica y fabricacion y no tabata rekeri pa prueba seguridad y eficacia.
Pruebanan clinico di hende experenciando posible reaccionnan mortal ta dificil pa motibonan etico y pragmatico. En bes di esey, oficialnan di ARS a compara e efecto di e spuit nasal riba marcadornan biologico na tratamentonan existente di epinephrine.
Resultadonan a mustra cu Neffy a traha casi mesun bon cu epinephrine inyecta pa aumenta frecuencia di curason y presion, cual ta bay en contra di reaccionnan severo. E medicamento ta combina cu un agente cu ta permiti’e ser absorba facilmente via membrananan nasal.
Otro aparatonan di epinephrine sin hangua ta ser desplega pa trata reaccionnan alergico. Esakinan ta inclui spuitnan nasal di Bryn Pharma, Nausus Pharma; un auto-inyector sin hangua di Crossject; y un film epinephrine cu ta ser administra bao lenga di Aquestive Therapeutics.
Neffy ta diseña pa por ser carga y usa facilmente, specialmente pa mucha, segun Richard Lowenthal, presidente y hefe ehecutivo di ARS. “Nos no kier miedo. No tin hangua, pues no tin dolor cu e producto aki,” el a bisa. “E ta basicamente manera bo ta spuit saline den bo nanishi.”
ARS no a revela un lista di prijs, pero a bisa cu e lo haci e spuit disponible via cierto programa di descuento pa aproximadamente 200 dollar pa cada paki di dos. Seguronan ainda mester dicidi si nan ta cubri e producto y na ki prijs.
