Manera anuncia algun tempo atras Minister di Economia, Comunicacion y Desaroyo Sostenibel di Aruba Sr. Geoffrey Wever a cera un partership strategico cu e Comision di Economia di Nacionnan Uni pa Latino America y Caribe (UN-ECLAC). E colaboracion aki tin como meta pa explora e potencial di sector Fintech y su impacto riba economia di Aruba.
Kico ta e sector Fintech?
E sector Fintech ta inclui innovacion tecnologico den servicionan financiero. Esaki ta inclui avancenan di online banking, systema nan di haci pago online, di maneha inversion nan y mas. E tecnologia principal den Fintech ta blockchain y cryptocurrency. Blockchain ta un grootboek digital descentralisa cu ta aumenta seguridad y transparensia di transaccion nan, mientras cu criptomoneda ta e moneda digital cu ta ofrece maneranan nobo pa realisa transaccion nan y inversionnan.
Beneficio di Fintech pa Economia di Aruba:
1. Crecemento Economico: Adoptando e innovacionan di Fintech por reforsa e sector di servicio financiero di Aruba, creando oportunidad di negoshi nobo y atrae inversionnan nobo.
2. Mas eficiente: Fintech ta streamline transaccion nan financiero, reduci costonan, y mehora eficiencia entre empresa y consumidor
3. Inclusion financiero: E innovacion di Fintech por ofrece mas accesesibilidad di servicionan financiero na esnan menos afortuna, promocionando inclusividad y igualdad economico.
4. Competitivo globalmente: Adoptacion di e tecnologia emergente aki lo posiciona Aruba como un economia cu ta pensa pa futuro y atrayendo negoshinan internacional.
5. Maneho di riesgo: Investigacion profundo lo yuda Aruba pa identifica y mitiga risiconan asocial cu tecnologia di Fintech, sigurando un ambiente financiero stabiel y sigur.
Minister Geoffrey Wever a enfatisa, “Nos partership cu UN-ECLAC ta representa un paso crucial den usa e potencial di Fintech pa guia crecemento economico di Aruba. Nos ta comprometi pa usa y beneficia di e tecnologia aki, pa crea un economia mas inclusivo y robusto.”
