(AP)—Na otro banda di e Atlantico for di Wall Street, un mercado—mas amigable cu competitivo—a surgi na e Weganan Olimpico. E comodidad den centro di tur cos? Brochenan.
E ciudad a mira un entrada di colectornan rond mundo, cada un emociona pa cuminsa of expande nan coleccion di broche Olimpico y comparti nan storianan. Di coffee shopnan druk pa cayanan keto, e mesun pregunta ta echo den e ciudad, mientras boluntarionan Olimpico, atletanan, trahadornan di media, waiternan, turistanan y mas ta busca pa e mesun acesorio.
E buskeda pa broche a bira un parti integral di e Weganan Olimpico, agregando un otro capa di emocion na e Weganan. “El a bira un wega; nos ta intercambia manera nos tabata haci como mucha,” ex-hungador di tennis Andy Murray a bisa.
Unda e trend di broche a suminsa?
E tradicion ta data back na e prome Weganan Olimpico moderno, rebiba pa Pierre de Coubertin na 1896. Na Atenas, atletanan, coachnan y reporteronan tabata bisti broche di carton. Mas cu un siglo despues, e brochenan a transforma den piesanan extremamente detaye y tin biaha tecnologico, personalisa pa paisnan, organisacionnan noticiero, marcanan cu ta participando den e Weganan, y hasta hende normal.
“Nan ta manera piesanan di arte,” segun Nicholas Wolaver, un colector y comerciante Americano.
Brochenan di Paris 2024
Despues cu e Weganan Olimpico a ser organisa sin spectador durante e pandemia di coronavirus, e pandemonio di broche a resurgi. “Paris ta bayendo bon cu e colectamento di broche despues di pandemia, unda bo no por a intercambia broche na Tokio y Beijing, hende tabata hopi encanta,” Wolaver a splica.
E popularidad a crece pa via di red social y e hecho cu e Olimpiconan mes ta participando den e trend. Serena William, un ex-Olimpico, a describi su mes como un “colector di broche first-class”, den un video riba e cuenta di Instagram di e Olimpiada. Hasta e tin su faboritonan: “Tin un par di Tailandia cu mi nunca lo intercambia. Porfin mi por a haya e broche di Nort Korea.”
