(AP)—Sur Korea a ofrece ayera pa manda material di ayudo pa Nort Korea pa asina yuda e pais recupera for di yobidanan fuerte y inundacionnan cu a tapa miles di cas y terenonan grandi di camponan.
No ta claro ainda si Nort Korea lo acepta e propuesta di Sur Korea pa ayudo. Animosidad entre e dos rival ta riba su nivel mas halto den algun aña tocante e ambicionnan nuclear di e Nort y e expansion di e Sur riba ehercicionan militar combina cu Merca y Hapon pa contra ataca e menasanan di e Norte.
E Ministerio di Unificacion di Sur Korea, cual ta maneha asuntonan inter-Koreano, a bisa cu e Sur tabata dispuesto pa provee material pa yuda aborda e “dificultadnan humanitario” cu residentenan Norte Koreano ta enfrentando despues di e tormentanan cu a pasa recien. E ministerio a urgi den un declaracion pa e Cruz Cora di Nort Korea responde lihe na su yamadonan pa discusion pa determina e tipo y cantidad di material Sur Koreano y con pa entrega nan.
Nort Korea no a responde ainda riba e oferta di e Sur. Media estatal di Nort Korea a bisa diaranson cu e yobidanan fuerte a laga 4,100 cas, 7,410 hectar di tereno agricultural y varios otro edificio publico, structura, caminda y rails inunda den e ciudad noroeste di Sinuiju y e pueblo di Uiju.
E Norte no a reporta detayenan tocante victimanan. Den un reunion di emergencia diaranson na Sinuiju, lider Kim Jong Un a puntra autoridadnan pa “castiga estrictamente” esnan cu a bisa el a neglisha e reponsabilidadnan pa prevencion di desaster y a causa “hasta e casualidad cu no por ta permiti,” segun e Korean Central News Agency di e Norte.
Nort Korea a suspende virtualmente tur cooperacion y diplomacia cu e Sur despues di su negociacionnan nuclear cu Merca a stop na 2019 pa via di desacuerdonan pa kita e sancionnan Mericano riba Nort Korea y e stapnan di e Norte pa frena su programa nuclear y di misil.
Tambe e Norte a rechasa e oferta di e Sur pa yuda cu e brote di COVID-19 na 2022. Tension entre e rivalnan a empeora dede 2022 como cu Kim a usa e guera di Rusia cu Ucrania como un distraccion pa sigui acelera e expansion di su arsenal nuclear y a suministra menasanan contra Washington y Seoul.
