(CiberCuba) – Sin resultadonan evidente, hunto cu e empeoramento di e crisis economico na e isla, e gobierno Cubano a anuncia cu e ta bay cambia e “sistema di trabou” pa e di dos semester di aña, admitiendo cu e accionnan realisa te cu e fecha di awe no a duna resultado.
“E sistema di trabou mester cambia, e no por ta e mesun cu nos tabatin e prome semester,” e prome minister di e isla, Manuel Marrero Cruz, a bisa den un reunion di e Conseho di Minister.
E funcionario Cubano a afirma cu e supuesto cambio tin di haber cu loke nan a expresa den e sesion reciente di e Asamblea Nacional di e Poder Popular y cu e proyeccionnan di e gobierno ta bay cuminsa ser implementa pronto, door di cual “ta rekeri un revision di e manera cu nos ta haciendo e cosnan te cu aworaki,” e corant oficialista Granma ta reporta.
Marrero Cruz a referi na 57 proyeccion plantia for di gobierno cualnan ta bay ser aproba y implementa den su mayoria durante e di dos semester di e aña.
Entre nan el a menciona medidanan dirigi na e sectornan comunicacional y economico, terenonan den cual e regimen tin un debilidad demostra.
Pa esey, e dirigentenan ta plantia “libera un bataya contra e burocracia y e falta di rapides den respuesta na hopi tema, segun palabranan di Marrero Cruz. Mientras tanto, nan ta busca realisa un ofensiva na e produccion nacional, como tambe e implementacion di medidanan asocia na e deficit presupuestario.
Segun e prome minister, nan a cuminsa wak resultado. “Ya awe e impactonan mas grandi cu nos tin den e implementacion di e proyeccionnan di e gobierno ta precisamente den e reduccion di e deficit fiscal,” el a sigura.
El a agrega cu nan ta bay combati e evasion fiscal, “otro di e asuntonan cu ya caba tin resultado”, el a bisa, y nan ta bay traha riba e ordenamento di e sistema empresarial, “un tema cu ta bay tin nos bon ocupa den e di dos semester, pasobra mester transforma structural, organisacional y funcionalmente nos sistema empresarial.”
El a referi tambe na e prijsnan halto cu ta existi na Cuba, manera un bataya di cual el a bisa “nan no por descansa, e no por ta un campaña, e ta trabou diario, y mester convoca tur e forsanan posibel.”
Otro punto di su intervencion tabata e localidadnan di Estado. “Nos tin cu wak kico nos tin den nan, ki servicio nos ta brinda, na ki prijs, nos no por permiti cu un instalacion di gobierno ta maltrata e pueblo y tin prijsnan abusivo,” el a sentencia.
E gobierno Cubano ta bolbe na su discursonan di promesa. Laga nos recorda cu na comienso di e aña aki, mientras e preocupacion di e pueblo Cubano tabata crece pa e aumento di prijsnan di combustibel y di servicionan manera transport, electricidad y gas, Miguel Diaz-Canel a sigui bisa cu nan ta bay triunfa y vence.
