(AP) —Durante e ultimo luna, hopi a cambia tocante e eleccion presidencial 2024 na Merca. Awo cu presidente Joe Biden a sali for di e careda y vice-presidente Kamala Harris a drenta, ex-presidente Donald Trump ta hayando su mes ta cambiando ruta di su campaña contra e desafiador nobo.
Aki ta cinco manera den cual e careda ta diferente cu menos di 100 dia pa Dia di Eleccion na Merca.
Trump ta e nominado mas bieu den e careda
Trump a para riba su atakenan contra Biden di 81 aña, cu su campaña y aliadonan Republicano yamando atencion na caida fisico y verbal di e presidente democratico. Mientras cu hopi votadornan tabata similarmente preocupa tocante e preparacion di Trump, encuestanan a sugeri cu mas Mericano a cuestiona Biden.
Awo Trump di 78 aña ta coriendo contra un candidato di 59 aña. Y esey ta bira e pregunta di edad riba dje.
E Democrata awo tin entusiasmo y mas fondo
Harris a genera entusiasmo masivo y placa cu Biden no por a genera. Su apoyantenan ta organisando yamadanan riba Zoom y ta recaudando miyones di dollar, e ultimo di cual ta un yamada cu e nomber White Dudes for Harris cu a genera 3.7 miyon dollar pa su campaña.
E pregunta ta con e ta bay transforma esey den voto. E Democrata por influencia e entusiasmo ey ora nan organisa esfuersonan pa atrae votadornan?
Trump mester busca argumentonan nobo
Harris a drenta e campaña relativamente nobo. Trump y su aliadonan ta purbando pa pint’e cu e fracasonan di e administracion di Biden pero tambe ta participa contra dje como un candidato distincto.
Dialuna Trump a lansa un aviso di 30 segundo cu ta ataca e trabao di Harris riba asuntonan di migracion, yamando e, e “czar di frontera” y tirando culpa riba dje pa e entradanan ilegal den Merca. Despues di presenta titulonan tocante crimen y droga, e video ta pinta Harris como “Fracasado. Debil. Peligrosamente liberal.”
Harris mester crea su mesun caminda
E vice-presidente mester mustra ki tipo di candidato e por ta. Biden tabata sugeriendo ideanan pa un segundo termino como presidente pero tambe ta puntrando pa ser reconoci pa e logronan di su administracion.
Harris, como su segunda den comando, ta hereda algun di su responsabilidadnan, particularmente riba inflacion y e frontera. Tambe e lo haya credita pa e logronan di e administracion, pero e mester sigui cune y establece su mesun prioridadnan di politica.
Su prome campaña pa e presidencia a caba prome cu e por a yega na e junta politica na Iowa. E promesa di su campaña na 2020 a enfrenta un realidad mas complica mientras el a pasa e proximo dies luna ta bringando pa drenta e tereno yen di candidato y cambiando staff y placa.
E matematica di e Colegio Electoral a cambia
E retonan di Biden a pone e Democrata preocupa cu nan mapa electoral a ser reduci pa estadonan di e Rust Belt cu Trump a gana na 2016 y Biden a cambia na 2020—Wisconsin, Michigan y Pennsylvania.
Strategistanan riba ambos banda a kere cu Georgia y Arizona, estadonan di e Sun Belt cu Biden tambe a cambia, tabata alehando for di e presidente democratico. Awo cu Harris den careda, reunionnan via Zoom y entrevistanan cu apoyantenan ta señalnan di un entusiasmo mehora entre aliansanan di voto clave Democratico: votadornan jong, votadornan di color y hende muhe Afro-Americano. Esey por pone e Democrata haya mas confiansa cu nan ta enfrentando un mapa competitivo di e Colegio Electoral y porta cambionan cu e team di Trump ta supone nan por cambia back.
