(AP) – Organisadornan di e Olimpiada di Paris a pidi despensa na cualkier persona cu a sinti ofendi pa e tableau cu a replica Da Vinci su ‘The Last Supper’ durante e ceremonia di apertura glamuroso pero tambe a defende e concepto tras di esaki.
Da Vinci su arte ta mustra e momento unda Jesucristo a declara cu un di e apostelnan lo traicon’e. E escena durante diabierna su ceremonia tabatin e DJ y productor Barbara Butch, un icono di LBGTQ+, rondona pa drag queen y bailarinnan.
Consevativonan religioso for di rond mundo a critica fuertemente e segment aki, cu conferencia di obispo di misa catolico Frances declarando cu ta haci bofon di Cristianidad, sentimento cu ta comparti cu e vocero di Ministerio di Exterior Ruso Maria Zakharova. Anglican Communion na Egipto a expresa tambe “lamento profundo” diadomingo, bisando cu e ceremonia por causa cu IOC por perde su identidad y mensahe humanitario unico.”
E ceremonia su director artistico Thomas Jolly a distancia sue scena di cualkier paralelo cu “Last Supper” despues di e ceremonia, bisando cu esaki tabatin e meta di celebra diversidad y duna tributo na e gastronomia Frances. Paris su vocero di 2024 Anne Descamps a ser puntra tocante e criticanan durante conferencia cu International Olympic Committee diadomingo.
“Claramente nunca tabatin e intencion di falta respet na cualkier grupo religioso. Al contrario, mi ta kere cu Thomas Jolly, tabata kier realmente celebra e tolerancia di comunidad,” Descamps a bisa. “Mirando e resultado di e encuestanan cu nos a comparti, nos ta kere cu e ambicion aki a ser logra. Si cualkier persona a sinti su mes ofendi, claramente, nos ta pidi un disculpa.”
Jolly a splica su intencion na The Associatted Press despues di e ceremonia.
“Mi deseo ta di ta subversivo, no haci bofon ni shock hende,” el a comenta. “Mas cu tur cos, mi tabata kier manda un mensahe di amor, un mensahe di inclusion y no di division.”
