Ta un boluntario no solamente ta sinti bon pero tambe tin un bon impacto riba salud

(AP) – Despues di retira for di 35 aña como docente, Jeff Kellert a cuminsa trabao boluntario como un docente y a yuda na e cena mensual na su sinagoga tur luna.

Despues el a ricibi certificacion pa lidera gruponan di sosten cada pasa un siman pa National Mental Health Alliance, un organisacion pa familiarnan di personanan cu tin algun problema mental.

En general, Kellert, ken tin 71 aña di edad, ta un boluntario 30 ora pa luna. E experiencia ta mantene activo, pero mesun importante, el a genera amistadnan nobo y un sentido di proposito cu nunca el a anticipa prome cu el a baha cu pension.

“Esey hunto cu un bon sentido di autoestima y confiansa propio ta haci’mi sinti cu mi ta haciendo algo productivo,” Kellert a comenta. “Baha cu pension no ta loke e tabata antes. E ta hopi mas cu sinta na cas sin tin cu haci nada.”

Ta un boluntario tambe posiblemente lo yud’e biba mas tempo, mirando cu varios estudio a demostra un variedad di beneficio pa salud y psicologico ora cu un persona ta boluntario.

Eric s. Kim, un profesor di psicologia na University of British Columbia Vancouver, a bisa cu su investigacion a haya un conexion entre trabao boluntario y emocionnan mas positivo, menos soledad y mas sosten social. “E cosnan aki tin un efecto cu ta keda core, manera comportamentonan saludabel, ademas di un funcion biologico mas saludabel manera menos inflamacion,” Kim a splica.

No ta solamente adultonan di edad mas halto ta beneficia, aunke nan ta e grupo cu a studia. Tin indicacion cu trabao boluntario ta yuda muchanan den scol tambe.

Stephens a nota cu algun tipo di oportunidadnan di boluntario, manera hiba caha na luganan di donacion d cuminda, ta inclui actividad fisico. Pero e trabao no semper mester ta fisico pa e tin beneficio.

“E ta manera un tipo di ehercicio, e miho tipo di trabao boluntario ta esun unda bo ta mas involucra,” el a bisa. notando cu e unico riesgo ta sobre compromiso, cual ta kita e beneficionan di salud. “E no ta bon pa sinti stress cu bo compromisonan como boluntario. Mester tambe tin un balans.”