(TMZ) – Tom Kenny, e bos tras di “Spongebob Squarepants” a duna e amigo conoci pa tanto muchanan como adultonan un diagnosis nobo, autismo.
E actor veterano, ken tin añanan ta interpreta e personahe iconico, a presenta na Comic Con den Detroit unda el a contesta preguntanan di fanaticonan dedica tocante e caracter stima riba Nickelodeon y a confirma un teoria unda ta kere cu Spongebob ta loke ta yama ‘neurodivergent.’
Manera Tom a conta e audiencia na e convencion, Spongebob “ta riba e spectro di autismo”, confirmando cu e personahe sumamente stima tin autismo.
TK a bisa cu el a yega na e conclusion aki despues di a papia cu un fanatico cu tambe tin autismo, ken a puntra si ta un posibilidad cu Spongebob tambe por ta. El a recorda cu el a contesta e fanatico cu “autismo ta SpongeBob su superpower” di mesun manera cu e ta e superpower di e mucha en cuestion.
Esaki no ta e prome biaha cu Tom a atende SpongeBob y e posibilidad cu e tin autismo. Den aña 2012, el a papia cu MArc Maron ken a specula esaki caba for di temponan atras, citando su obsesion cu su trabao y su tendencianan como prueba.
SpongeBob no ta e prome personahe, popular principalmente cu muchanan, cu ta ser diagnostica cu Autism Spectrum Disorder. “Sesame Street” a agrega un personahe na su elenco yama Julia ken explicitamente tabatin autismo.
Fanaticonan ya caba ta apluadiendo Tom pa su posicion inclusivo aki y hopi ta di acuerdo cu su declaracionnan!
