Aruba Astro Research Int., cual ta e asociacion nacional Arubano di astronomia y e instancia y autoridad oficial ariba e tereno di astronomia como tambe e tereno di ufologia aki na Aruba a emiti un comunicado.
Den e comunicado aki, pa medio di su presidente, Sr.Marcos Bislip cu ta astronomo, ufologo, parasicologo, analista di video, potret, audio, astrofotografo y investigador a informa oficialmente na comunidad cu loke a tuma lugar diasabra anochi dia 13 di Juli 2024 pa exactamente 7:50pm di anochi na Aruba ta un entrada di un Meteor Fireball.
Un meteor fireball conoci na papiamento como bola di candela den shelo di un meteoro ta restante di un pida piedra mas grandi cu normal di un Cometa cu ta drenta kima den atmosfera y cu no por wordo antisipa delanta.Nos planeta tera ta pasa den pasada di un cometa y e restantenan ta drenta kima y genera un yobida di meteoronan mas chiquito.
Den e caso di Diasabra anochi Dia 13 di Juli 2024 un meteor fireball un bola di candela di un meteoro a drenta y kima den shelo te ora e la caba na nada.
Na prome instante hopi a kere cu ta un asteriod y otronan e 20 satelitenan di Starlink tur dos no tabata e caso.Nos di Aruba Astro Research Int. via nos centro di observacion ATSOC Aruba Time & Space Observation Center mesora a bai investiga loke a tuma lugar y a bin sali na cla cu ta un bola di candela di un meteoro un meteor fireball.
Aruba Astro Research Int. y centro di observacion ATSOC ta dispone di un experto den e tereno pa observa y analisa eventonan asina.Analisando tur e videonan ricibi for di tur parti di Aruba y tambe di Corsow y tambe di ATSOC su propio cameranan Aruba SkyCam a bin hanja e resultado final cu e ta un meteor fireball.
Prome a check e datanan di e dos asteriodnan cu a pasa serca 2024 NG y 2024 NB2 na 3 miyon di km cu no a drenta atmosfera di tera y di dos a check e re-entrada di e 20 satelitenan di Starlink y otro re-entradanan no tabata tin nada.Mientras cu for di Diahuebs caba e SpaceX Falcon 9 a sufri un fayo cu e 20 satelitenan di Starlink cu no a drenta kima tampoco Diasabra anochi.
Mientras cu Diahuebs anochi a drenta tambe un meteor fireball na Merca na Wisconsin y otro cuidadnan na Merca.E investigacionnan cu nos y ATSOC a haci ta cu e meteor fireball ta conta cu tur e compenentenan quimico esta color oranje cu ta sodium, geel hero, berde magnesium, blauw copper. Algun di e compenentenan quimico cu ta mustra cu e ta un meteor fireball tambe con e la drenta y kima y bira oranje prome cu e la caba na nada esei ta sodium.
Aruba Astro Research Int. tin aparatonan pa investiga si e restantenan di un meteoro por cai ariba tera.Aruba Astro Research Int. via centro di observacion ATSOC ta monitoria espacio via di cameranan.Tin un diferencia grandi ora un bola di candela meteoro drenta kima y un satelite of restantenan di un satelite eynan tambe nos por sa si e ta un satelite of resto for di den espacio.
Entrada di un meteor fireball, bola di candela di meteoro ta un masa solido ta drenta kima y un satelite y restante di obhetonan den espacio oranan drenta nan ta drenta kima pida pida.
Pa cualkier informacion di un evento of pa reporta un evento por contact Aruba Astro Research Int. Sr.Marcos Bislip na tel: 5629407 of e-mail nos na arubaastroresearch@gmail.com
