(AP) — Hulanda por ta alcansando su peak net na e momento corecto. E team Hulandes a alcansa su prome quart final di Campeonato Europeo den 16 aña cu un victoria 3-0 riba Romania ayera despues di su miho presentacion te awo den Euro 2024.
Cody Gakpo a kibra e empate den minuut 20 y substituto Donyell Malen a anota dos gol laat pa manda e Hulandesnan na nan prome quart final den e torneo desde 2008.
Hulanda a faya un cantidad di oportunidadnan anterior pa agrega na e score, y capitan Virgil van Dijk tambe tabata den esaki. Asina mes tabata un despliegue hopi miho compara cu su prestacion decepcionante den etapa di grupo, cu a caba cu un perdida 3-2 contra Austria.
Maske nan a perde, e tabata un partido memorable pa Romania y su cantidad di fanatico bisti na geel, cu a ilumina e torneo. Tabata apenas e di dos biaha cu Romania a cualifica pa etapa di knockout na un Campeonato Europeo, y a haci’e como ganador di grupo.
E bunita muraya geel na un banda di e stadion a duna su team un despedida asina magnifico—cantando y aplaudiendo e hungadornan hopi despues di e fluit final—cu tabata comosifuera cu Romania a gana e wega.
Proximo, Hulanda ta enfrenta Turkia cu a gana e ultimo partido di ronda di 16.
