(AP) — Un wega di drama epico personal y yoramento pa Cristiano Ronaldo a caba cu su Portugal alcansando quart final di Campeonato Europeo despues di derota Slovenia den penalty ayera.
E wega a bay penalty pasobra e tiro liber di Ronaldo den tempo extra, den minuut 114, a ser scapa pa portero di Slovenia, Jan Oblak. Regulacion y tempo extra a caba 0-0.
Na momento di bay na penalty, Ronaldo a anota e prome gol pa su persona y Portugal, y compañero di team Diogo Costa a scapa tur tres di e tironan di Slovenia, di Josip Ilcic, Jure Balkovec y Benjamin Verbic.
Bruno Fernandes y Bernardo Silva tambe a anota pa Portugal seya e shootout 3-0 cu dos tiro restando.
Portugal ta bay enfrenta Francia den quart final diabierna na Hamburg, un revancha di e final di 2016 cual Portugal a gana na Paris.
