(AP)—Mas cu 200 bombero tabata bringando cu un candela forestal noreste di Phoenix diasabra cu a menasa cantidad di hogar y a forsa miles di residente evacua.
Ningun structura a haya daño mientras e candela forestal a tuma casi 15 kilometer cuadra di tereno riba e frontera di e subdivision Boulder Heights, segun Matthew Wilcox, vocero pa un ekipo di respuesta pa candela forestal.
Tabatin 275 hende combatiendo e candela diasabra mientras temparaturanan a surpasa 38 grado celsius prome cu merdia cu rafaganan di biento anticipa atardi. “Nos tin humedad extremamente halto, clima calor,” segun Wilcox. “Nos no tin biento awo, pero nos ta anticipa rafaga.”
Tanki di aire y helicopter a yuda calma e candela for di shelo riba e candela na Boulder View. E causa di e candela ainda ta bao investigacion. El a cuminsa aproximadamente 8 kilometer este di Carefree, net pafo di e parti nort di Scottsdale riba e frontera di e Tonto National Forest.
Cruz Cora a establece un centro di evacuacion na un scol secundario na Scottsdale, y shelter pa cabay y otro animal a ser estableci na varios sitio, incluyendo riba terenonan di rodeo na Cave Creek.
E tanki- y helicopternan a ataca e candela forestal na Arizona cu a forsa evacuacionnan cerca di Phoenix. Na California, tabata anticipa cu temperaturanan creciente y humedad abao e weekend ki por resulta den condicionnan pio di e candela forestal pa e Fresno June Lightning Complex. E compleho—cual ta constitui di tres candela grandi den Fresno County como tambe varios candelanan chikito—tabata casi 44 kilometer cuadra y 42 porciento a ser conteni pa ayera mainta. A confirma cu un structura a keda destrui, y ordennan di evacuacion a keda den luga.
Den e norte, e Apache Fire den Bute County a destrui 14 structura y a trece daño na dos otro desde dialuna siman pasa. E candela tabata 2.8 kilometer cuadra y a contene 95 porciento pa diasabra mainta.
Tripulacionnan di bombero tabata haciendo bon progreso diasabra riba e candela Darlene 3 den Oregon. E tabata 15 kilometer cuadra y a contene 50 porciento pa diasabra mainta.
E clima a yuda e esfuersonan di bombero. Bientonan keto, temperaturanan abao y humedad halto anochi a contribui na e progreso di e bomberonan. Tambe el a permiti e Deschutes County Sherrif’s Office pa baha e nivel di evacuacion pa Newberry Estates for di nivel 3 pa nivel 2. Tur otro nota di evacuacion a ser kita pa e areanan oeste di Highway 97.
