Mientras cu e aña academico ta cabando, hopi studiante ta preparando pa embarca riba un biahe excitante y transformador—sigui nan educacion profesional na Hulanda. Pa apoya e transicion significativo aki, nos ta contento pa anuncia un mainta special pa sostene e mayornan di e studiante nan aki. E sesion ta diseña specificamente pa mayornan pa asina yuda nabega e retonan y oportunidadnan di tin un yiu studiando na Hulanda.

Detayes:

  • Fecha: 29 Juni 2024
  • Orario: 10:30am – 12:00pm
  • Lugar: Biblioteca Nacional Aruba, Oranjestad
  • Registra: https://bit.ly/ouderochtend_J2024
  • Entrada gratis

E sesion interactivo aki lo cubri topiconan manera:

  • Tips practico pa con mayornan por sostene nan yiunan di leu.
  • Strategianan di comunicacion efectivo pa mantene un relacion saludable y sostenible.
  • Un bista general di e reto nan principal cu studiante ta enfrenta ora cu nan ta muda pa exterior y con mayornan por yuda mitiga esakinan.

E sesion ta diseña pa empodera mayornan cu conocemento y confiansa pa sostene nan yiunan efectivamente, sigurando un experiencia educativo positivo y exitoso na Hulanda.

Nos ta encurasha tur mayor di studiante cu lo studia na Hulanda pa join nos durante e sesion aki. Hunto, nos por segura cu nos studiante no solamente ta logra, pero tambe ta prospera den nan ambiente academico nobo.

Registracion ta obligatorio! Asina nos por sa cuanto mayor lo t’ey cu nos. Join nos pa haci un diferencia den e trayectorio di bo yiu. Nos ta warda bo!

Registra via e link aki: https://bit.ly/ouderochtend_J2024

Pa mas informacion, por fabor tuma contacto cu Viviana Lopez Paz via Whatsapp na +31 614183830

Tocante Kompas for Students Aruba Foundation:
Kompas for Students Aruba Foundation ta un fundacion crea door di Viviana Lopez Paz y Deon Bisslik como young professionals y studiante Arubiano. Nos meta ta pa guia y sostene studiante den nan preparacion pa studia afo y durante nan prome aña na Hulanda. Durante e trayectoria aki nos ta brinda diferente tayer y actividad riba topico manera salud, finanzas, nutricion y hopi mas.

Mas over di Stichting Kompas for Students: www.kompasforstudents.com