(CuraçaoChronicle) – Un ola tropical nobo ta desaroyando varios mia cerca di Cape Verde Islands, cu potencial di sigui desaroya proximo siman mientras e ta move den parti central y occidental di Oceano Atlantico.
E ola actualmente ta causando yobidanan desordena y tormenta cu strena, segun National Hurricane Center na Miami.
E ola aki, moviendo direccion west na un velocidad di 20 pa 30 kilometer pa ora, posiblemente lo desaroya di manera poco poco durante fin di siman y comienso di proximo siman. Expertonan ta calcula cu e chens di un formacion di e sistema aki dentro di 48 ora ta practicamente 0 porciento, sinembargo dentro di 7 dia e porcentahe aki ta aumenta na 7.
Adicionalmente, otro ola tropical ta activo den Caribe, causando yobidanan desorganisa y tormenta cu strena mientras e ta move rapidamente direccion west cu un velocidad di alrededor di 40 kilometer pa ora.
Condicionnan ambiental por bira mas faborabel pa algun desaroyo gradual pa fin di e siman den direccion west di e lama Caribense of parti surwest di Gulf of Mexico.
E chens di formacion di e sistema aki dentro di e proximo 48 ora ta abao, calcula na 10 porciento, sinembargo dentro di 7 dia e porcentahe aki ta subi te na 20 porciento.
