Aña escolar 2023-2024 ta yegando su final y Avondmavo ta orguyoso di cada studiante di Avondmavo cu a bay pa su meta y logra di gradua. Despues di e prome tanda di examen un total di 36 studiante a gradua y un cantidad grandi a logra haya certificado.
Avondmavo ta cay bou di Stichting Avondonderwijs Aruba (SAA) cu ta brinda enseñansa den oranan di anochi na tur esnan cu mester di un di dos oportunidad den educacion, ta desea un diploma di otro nivel of mester mas flexibilidad pa por ehempel studia y traha.
Cu dos localidad fisico, na Playa y San Nicolas, y e oportunidad pa studia online tin un localidad y trayecto cu ta ahusta na cada persona. Fuera di esaki Avondmavo ta brinda trayecto pa bay mas lihe of pa net contrario bay mas poco poco dependiendo e necesidad y situacion di cada persona.
Pa esnan cu ta cla pa bay pa e reto, inscripcion pa e aña escolar 2024-2025 a habri y lo keda habri te cu dia 5 di juli 2024. Inscripcion ta tuma lugar online via e website di Avondmavo, www.avondmavoaruba.com Pa cualkier informacion of ayudo por tuma contacto cu oficina di Avondmavo na telefoon: 583-3779
