Den conmemoracion di Dia Mundial di REfugiado, UNHCR (E agencia di Refugiado pa ONU), CEDE Aruba, HIAS Aruba, VeneAruba Solidaria, IOM y PADF ta organisando un Feria Multicultural diasabra, dia 22 di juni, pa 4or di atardi te 7or di anochi na Centro di Bario Playa Abao.
E evento ta habri y gratis pa henter pueblo di Aruba. Designa pa e Organisacionnan di Nacionnan Uni, Dia Mundial di Refugiado ta celebra e forsa y curashi di hende cu tabata forsa pa huy for di nan pais debi na conflicto of persecucion. E enfoke di e aña aki ta riba solidaridad cu refugiadonan—pa un mundo unda refugiadonan ta bon bini.
Na e Feria Multicultural, participantenan lo por embarca riba un biahe rond mundo via presentacionnan di diferente cultura y cuminda bendi na tentnan representando Venezuela, Colombia, Ecuador, Peru, Republica Dominicana, Haiti, Mexico, India, Filipinas y Aruba. E evento tambe lo tin baile-, actividadnan y musica pa muchanan,
UNHCR 2023 Global Trends Reporta ta subraya e importancia di solidaridad y solucionnan pa refugiadonan. Na 2023, e cantidad di hende forsa pa huy a yega na 117.3 miyon debi na persecucion, conflicto, violencia y violacionnan di derecho humano. Esaki ta 1 den 69 persona rond mundo.
Aruba tin e porcentahe mas halto di personanan obligatoriamente desplasa compara cu su poblacion, cu aproximadamente 17,000 refugiado y migrante for di Venezuela. Na Aruba, UNHCR, CEDE Aruba y HIAS, VeneAruba Solidaria, IOM y PAFD ta colabora cu gobierno y sociedad civil pa proteha y provee solucionnan sostenible pa refugiadonan.
Ora e oportunidad presenta, refugiadonan por contribui activamente na e comunidadnan cu a acepta nan—sea via trabao, educacion, deportenan y otro actividad. Buscando refugio no ta un escogencia; frecuentemente e ta e unico manera pa sobrevivi, pa haya paz y e realisacion di nan soño. Awo mas cu nunca, refugiadonan ta depende riba nos solidaridad.
