(NLTimes) – Prome Minister Mark Rutte ta casi sigur di bira e proximo lider di NATO, pa motibo cu diahuebs e President di Romania Klaus Iohannis lo retira for di e trabao.
Iohannis ta premira di duna su sosten pa Rutte pa e liderazgo di e aliansa militar, un rol cu ta rekeri e sosten unanime di tur su miembronan.
Romania ta premira di bisa tur aliado di NATO proximo siman cu Iohannis lo informa di su sosten pa Mark Rutte. Cu su candidacia, Iohannis tabata kier mantene enfoke riba e hecho cu ningun lider Europeo a tene e posicion aki y cu e region awo ta hopi mas importante mirando Rusia su guera andando cu Ucrania.
Rutte a logra vence su obstaculo mas grandi pa tuma e trabao pa medio di aregla su diferencianan cu Prome Minister di Hungria Viktor Orban. Ambos a reuni anteriormente e luna aki despues cu Oran a bisa cu e tin mester pa Rutte expresa su repentimento pa e escogencia di palabra ora cu Rutte a bisa cu Hungria mester sali for di e Union Europeo si nan kier sigui padilanti cu limita derechonan humano pa personanan di preferencia sexual diverso y minoria di genero.
Rutte, ken ta e lider politico di e tempo mas largo na Hulanda, a bisa cu e no a ser pidi pa disculpa durante e reunion. Sinembargo, Orban a duna su sosten na Rutte oranan despues cu Slovakia a haci mesun cos.
Prome cu nan reunion, secretario general actual di NATO, Jens Stoltenberg a reuni cu Orban pa segura su persona cu Hungria no lo ser obliga provee asistencia militar na Ucrania. Tambe el a bisa cu Hungria no lo ser obliga provee accion militar si forsanan aliado di NATO ser ataka mientras nan ta presente na Ucrania. Rutte tambe a enfatisa e posicion aki.
Rutte tambe mester a yega na sosten di Turkia. Pa haci esaki, el a paga pa su biahe na e pais y reuni cu su lider Tayyip Erdogan. A leak prome cu e reunion cu Erdogan lo provee su sosten pa sostene Rutte, cual a tuma luga dianan despues.
E proximo paso pa Rutte ta di keda formalmente nomina y gana voto pa bira proximo den linea despues di Stoltenberg. E proximo cumbre d i NATO lo tuma luga na Washington D.C. den juli. Na Merca, el a bisa cu e kier un lider nobo ta cla pa tuma over NATO pa asina e evento historico marcando e aliansa su di 75 aniversario proyecta unidad y forsa.
Oficialmente, Stoltenberg lo retira di su posicion dia 1 di october. Rutte tambe lo mester retira di su posicion como Prome Minister na Hulanda. Na Hulanda, e expectativa ta cu Dick Schoof lo huramenta como e proximo Prome Minister dia 2 di juli pa Rey Willem Alexander.
